Si Zanagee Artis (namundag 2000 o 2001) sarong Amerikanong aktibista sa klima. Bantog sya bilang kapwa-kagtugdas kan grupo kan mga aktibista sa klima na Zero Hour, kaidtong 2017. Sa presente, si Artis an acting Policy Director kan Zero Hour.[1]

Biograpiya baguhon

Sa sekondarya, pinunan nya an Sustainability Committee, na nagin Green Team kahaluyan.[2] Sa tahaw kan saiyang pagigin highschool junior asin senior kan 2017, nag-atendir sya sa summer program sa Princeton University. Sinabi ni Artos na nagpuon syang mag-isip na luwas sa saiyang komunidad makalihis na sya makiulay sa mga kapwa nya partisipante na sinda amie Margolin asin Madelain Tew. Sinda asin an iba pang aktibistang hoben pigtugdas an Zero Hour.[3] Zero Hour an nag-ngaran sa kolonyalismo, kapitalismo, rasismo, asin patriarchy an pinakakawsa kan krisis sa klima.[4]

Inorganisar kan Zero Hour an sarong Youth Climate Marso kan Hulyo 2018 sa Washington, D.C., na may satellite marches na ginibo sa bilog na kinaban.[5][6] Si Artis, bilang logistics director, nagplano kan mayor na okasyon asin nagkoordinar sa United States Capitol Police. Si Artis nagsabi, "Iyan tunay na paglansar nin panahon para sa samong mobimiento, asin insperasyon man kaiyan an mga hoben sa bilog na kinaban. An Greta Thunberg's Fridays for Future an aktwal na inspirasyon kan Youth Climate March."[7]

Pagkatapos, nagtrabaho si Artis kaiba an Sunrise Movement kan Septyembre asin Nobyembre 2019 climate strikes.[8] Kan Setyembre 2020, sinabi nya na an Zero Hour binago na an pokus kaini sa edukasyon. Durante kan 2020 eleksyon presidensyal kan Estados Unidos, bilang direktor sa palakaw, pinanginotan ni Artis an kampanyang #Vote4OurFuture. An kampanya nakasentro sa mga swing states arog kan Michigan asin Pennsylvania, na may katuyohan sa pag dakol nin mabali sa pag boto bilang pagsuportar sa Green New Deal.[7] Sinabi ni Artis, "Gusto ming magin panginot na priyoridad an klima sa isip kan mga tawo pag nagduduman sinda sa mga surbey kan Nobyembre huli sa magiging epekto kaini sa mga tawong may kolor asin mga tawong nakaistar sa mga siyudad na iyan."[9]

Susugan baguhon