Wikipedia:Wiki Loves Art

PortalProyektoListahanKasibotanPlantilyaMiyembro

Maugmang pag-abot sa Wiki Loves Art! Saro ining WikiProyekto na pigmukna para sa paggibo asin pagpapaurog nin mga artikulong manungod sa arte biswal (kabali an arkitektura, pagkurit, pelikula, pagpinta, potograpiya asin pagdebuho), literatura (kabali an piksyon, drama, rawitdawit asin prosa) asin mga pasali (kabali an pagbayle, musika asin teatro) sa Bikol Wikipedia.

An proyektong ini mawot hamanon an Kategorya:Arte sa Bikol Wikipedia, asin dagos maitampok sa Portal kan Arte.

Introduksyon baguhon

Igwa nang nagkapirang artikulo manunungod sa manlainlain na klase nin arte sa tataramon na Bikol Sentral. Sa ngunyan, an kadaklan sa mga artikulong ini nagtataong doon sa pagsurat asin nagkakapira sana an dapit sa musika, pelikula, teatro asin bayle na iyo an tampok ngunyan na bulan nin Hunyo.
Sa Bikol Wikipedia, an Wiki Loves Art namukna bilang sarong inisyatibo kan komunidad tanganing irani an ultanan sa tahaw nin arte asin kan dilang kinagimàtan. Nahaman an proyektong ini kan Pebrero 2023, alagad an paghingowa sa pagtampok sa arte siring kan mural painting asin photo walk ginigibo na poon kan 2021.
Ngunyan na taon, itatampok an manlainlain na arte sa bulan kun suarin ini ipinagseselebrar:
  • Pebrero para sa arte biswal (kabali an arkitektura, pagkurit, pagpinta, potograpiya asin pagdebuho)
  • Abril para sa literatura (kabali an piksyon, drama, rawitdawit asin prose), asin
  • Hunyo mga pasali (kabali an musika, pelikula, teatro asin bayle).

Mga katuyohan kan proyekto baguhon

  1. Magin pangenot na gunuan nin kaaraman an Bikol Wikipedia dapit sa arte
  2. Makahaman nin mga biograpiya nin mga lokal na artista sa manlainlain na arte gamit an lenggwaheng Bikol Sentral
  3. Makahaman nin burabod na kaaraman sa tanganing makatabang sa mga paraadal urog na sa elementarya asin sekondarya
  4. Makatabang sa pagpapadakol asin pagpapaurog nin mga artikulo sa Bikol Wikipedia

Hilingon man baguhon