Vishvakarma

Si Vishvakarma o Vishvakarman (Sanskrito: विश्वकर्मा, romanisado: Viśvakarmā, lit. 'kaggibo kan gabos') sarong panday na dios asin an arkitektong banal kan mga deva sa kontemporaryong Hinduismo. Sa inot na mga teksto, an dios na ini inaapod na Tvastar asin an katagang "Vishvakarma" orihinal na ginamit na epithet para sa ano man na makapangyarihan na diyos. Minsan siring, sa dakol na suminunod na tradisyon, si Vishvakarma nagin ngaran kan dios na panday.

Paglaladawan ki Vishvakarma

Pigtrabaho ni Vishvakarma an gabos na karwahe kan mga deva asin armas kaiba an Vajra kan dios na si Indra. Si Vishvakarma konektado sa dios nin saldang na si Surya sa paagi kan saiyang aking babae na si Samjna. Segun sa osipon, kan bayaan ni Samjna an saiyang harong huli sa enerhiya ni Surya, ininaan ni Vishvakarma an enerhiya asin nagmukna nin iba pang mga armas gamit ini. Nagtugdok man nin manlainlain na siyudad arog kan Lanka, Dvaraka, asin Indraprastha. Segun sa epikong Ramayana, an vanara (tawong kadlagan o ukay) si Nala iyo an aking lalaki ni Vishvakarma, na minukna tanganing tabangan an avatar na si Rama.