Vin d'honneur
An vin d'honneur iyo an saro sa duwang opisyal na resepsyon na pig-hohost kan Presidente kan Filipinas sa Palasyo nin Malakanyang kapag Aldaw kan Bagong Taon asin Aldaw nin Katalingkasan. Ginuno an kostumbre gikan sa resepsyon kapag Aldaw kan Bagong Taon na pig-hohost kan American Governors-General na urog pang ginuno sa mga resepsyon na pig-hohost kan British Sovereign. Ipinadagos an seremonya ni Manuel Quezon asin kan mga suminunod sa saiya na piggaganap iyan kada pagkahapon, asin pinangaranan iyan na "at home day" o "open house" sa pagtaong reperensya sa katotoohan na an Presidente asin saiyang konsorte binuksan an Palasyo para sa saiyang mga bisita na gikan sa manlainlain na mga sektor kan sosyedad.[1]
An modernong seremonya reinstated asin naresibe an saiyang presenteng ngaran kaidtong 1987 sa irarom ni Corazón Aquino. Piggaganap iyan sa ngunyan kada pagka-aga kan sarong kombinyenteng petsa tulos pagkatapos kan Aldaw kan Bagong Taon, asin poon kaidto luminiwat gikan sa sarong pangkagabsan na sosyal na kostumbre pasiring sa diplomatikong punsyon.[1] An ikonikong pagtaong duon kan seremonya iyo an toast sa pag-ultanan kan Presidente asin kan Papal Nuncio na, sa ibong kan an nasyon mayo nin opisyal na relihiyon, nagdadanay an saiyang posisyon bilang Dekano kan Diplomatic Corps huli sa impluwensyang Espanyol sa kulturang Filipino.
An ngaran na vin d'honneur nangangahulugan na "arak nin onra" sa Pranses.
Toltolan
baguhon- ↑ 1.0 1.1 Office of the President of the Philippines. "Briefer on the New Year Vin d'Honneur 2013". Official Gazette of the Republic of the Philippines. Retrieved 12 January 2013.
