Si Vigdís Finnbogadóttir (Plantilya:IPA-is; namundag 15 Abril 1930) sarong Islandes na politiko na iyo an ika-apat na presidente nin Islandya poon 1980 sundo 1996. Siya an pinakaenot na babae sa enterong kinaban na naelehir sa demokratikong eleksyon komo presidente.[1] Sa pagsirbeng 16 na taon komo presidente, siya an ikaduwang halawig nagsirbing babaeng presidente arinman na nasyon hanggan ngonyan. Sa ngonyan, siya an UNESCO Goodwill Ambassador, asin myembro kan Club of Madrid.[2] Siya man an solong babae na nagin presidente kan Islandya hanggan ngonyan.

Vigdís Finnbogadóttir
Vigdis Finnbogadottir in September 1985
Ika-4 Presidente nin Islandya
Termino
1 Agosto 1980 – 1 Agosto 1996
Prime Minister Gunnar Thoroddsen
Steingrímur Hermannsson
Þorsteinn Pálsson
Davíð Oddsson
Suminunod ki Kristján Eldjárn
Sinundan ni Ólafur Ragnar Grímsson
Personal na mga detalye
Kamundagan (1930-04-15) 15 Abril 1930 (edad 93)
Reykjavík, Kingdom of Iceland
Alma mater University of Paris
University of Grenoble
University of Copenhagen
University of Iceland

Kaamayi nin buhay baguhon

Si Vigdís Finnbogadóttir namundag sa Reykjavík kan 15 Abril 1930. An ama niya, si Finnbogi Rútur Þorvaldsson, sarong inhenyero sibil, asin propesor sa University of Iceland. An ina niya, si Sigríður Eiríksdóttir, sarong nars asin namayo kan Icelandic Nurses Association. Si Vigdis aki nindang matua na nasundan nin saro pa na sarong lalaki na si Porvaldur[3] Kan makapasar siya sa saiyang eksam kan 1949, si Vigdis nag'asal nin Pranses asin literaturang Pranses sa University of Grenoble asin sa Sorbonne sa Paris poon 1949 abot 1953, dangan nag'adal pa nin kan historya nin teatro sa University of Copenhagen. Siya nakamit an BA sa French asin Ingles, asin pa an Professional Graduate Certificate in Education, sa University of Iceland. An naagom niya sarong doktor kan 1954, alagfad nagdiborsyo kan 1963, asin sa edad na 41 nag'ampon nin aking babae, bna siya ngani an pinakaenot na babae na solong-buhay tinugotan mag'ampon.[4]

Si Vigdís nagpartisipar kan mga 1960 asin mga 1970 sa kadakul na rally ginibo kontra sa presensya kan militar nin E.U. sa Islandya (partikular sa Keflavík). Taon-taon ginatos, ribo pa, an namartsa sa 50-km na tinamp;o pasiring Keflavík asin nagkukurahaw na "Ísland úr NATO, herinn burt" (literalmente: Islandya luwas sa NATO, maghale an militar!).

Presidente nin Islandya baguhon

Plantilya:Infobox President styles Siya enot nagdalagan kalaban an tolong lalaking kandidato. Mahimpis sana gana niya mala ta nakua niya 33.6 porsyento kan boto manta an pinakaharani saiya nakua 32.1 porsyento. Siya nanggad an pinakaenot na babae naelihir sa demokratikong eleksyon sa bilog na kinaban, kan eleksyon nasyonal 1980. Siya naging popular na marhay mala ta tolong beses pa siya n aelehir sa pagkapresidente ; kan 1984, mahyong kalaban; kan 1988 nakua niya 94.6 porsyento kan boto; qasin kan 1992, mayo man naglaban saiya. Kan eleksyon 1996, dai na siya nagdalagan sa pagkapresidente. Kaya siya an pinakahalawig nagserbing presidente (apat na termino) na babae sa Islandya. [5]

Toltolan baguhon

  1. "Club of Madrid: Vigdís Finnbogadóttir". Club of Madrid. 2003. Archived from the original on 12 Agosto 2017. Retrieved 19 Hulyo 2010.  Unknown parameter |url-status= ignored (help); Check date values in: |access-date=, |archive-date= (help)
  2. "Club of Madrid: Full Members". Club of Madrid. 2019. Retrieved 27 October 2019. 
  3. ""Ég missti þann förunaut sem hefði fylgt mér alla ævi"". RÚV (in Icelandic). 2020-04-19. Retrieved 2020-12-17. 
  4. "First female head of state, Vigdís Finnbogadóttir, elected 35 years ago today". Iceland Magazine. 2015-06-29. Archived from the original on 2017-10-02. https://web.archive.org/web/20171002013337/http://icelandmag.visir.is/article/first-female-head-state-vigdis-finnbogadottir-elected-35-years-ago-today. Retrieved on 2022-03-10. 
  5. Kristinsson, Gunnar Helgi (1996). "The presidential election in Iceland 1996". Electoral Studies 15 (4): 533–537. doi:10.1016/s0261-3794(96)80470-7. ISSN 0261-3794.