Via Campesina

An La Vía Campesina (hali sa Kastila: la vía campesina, lit. 'an paagi kan mga pesante') sarong internasyunal na organisasyon nin mga paraoma na minukna kan 1993 sa Mons, Belgium, na binilog nin 182 na mga organisasyon sa 81 na nasyon, asin ilinadawan an sadiri kaini bilang "sarong internasyunal na paghiro na minakoordinar kan mga pesanteng organisasyon nin saradit asin tahaw na mga prodyuser, mga trabahador sa agrikultura, mga kababaihan sa rural, asin mga katutubong komunidad hali sa Asya, Aprika, Amerika, asin Europa."

An Via Campesina pigbubusol an sustenableng agrikultura na namumugtak sa mga umahan na sadiri nin pamilya, asin iyo an grupo na nag-imbento kan terminong "food sovereignty." An La Vía Campesina naggigibo nin mga kampanya tangani na surugan an karapatan kan parauma sa mga tulang, punduhon an kadahasan sa mga kababaihan, suportaran repormang agraryo, asin sa pangkagabsan para itulod an pagmidbid sa karapatan kan mga pesante.