Varina Davis
Si Varina Anne Banks Howell Davis (Mayo 7, 1826 – Oktobre 16, 1906) iyo an ikaduwang agom kan pulitikong si Jefferson Davis, na nagin presidente kan Confederadong mga Estado nin Amerika kan 1861. Siya nagsirbi bilang Enot na Gining kan bagong nasyon na an kabesera iyo an Richmond, Virginia, dawa ngani daa nagduduwang-isip manongod kan gera. Namundag asin duminakula sa Habagatan asin may toltol na pag'aadal sa Philadelphia, igwa siyang pamilya sa magkaibong na rona asin may mga kaisipan na naiiba para sa sarong babae na may katongdan sa publikong buhay. Saiyang inaanduyogan an pananaw kan Confederado dapit sa oripon asin katanosan nin estado.[1]
| Varina Anne Banks Howell Davis | |
|---|---|
 | |
| Kamundagan | Varina Banks Howell Mayo 7, 1826 Natchez, Mississippi, E.U. |
| Kagadanan | Oktobre 16, 1906 (edad 80) New York City, New York, U.S. |
Dahilan kan kagadanan | Pneumonia |
| Iba pang mga ngaran | Varina Howell |
| Trabaho | Parasurat |
| Agom | Jefferson Davis |
Si Davis nagin sarong parasurat pakatapos kan Amerikanong Gera Sibil. Tinapos niyang hamanon an memoir kan saiyang agom. Siya inalok ni Kate Davis Pulitzer na magsurat nin mga artikulo asin nagin kolumnista ngani sa peryodiko kan agom kaining si Joseph Pulitzer, an New York World. Kan 1891, pakagadan kan agom ni Davis, siya nag'estar na sa New York kaiba an saiyang aki si Winnie. Suno-suno niya an pag'estar sa New York asin kan kahurihan na kan ika-19ng siglo, naghingoa siyang magka'oroyon na an mga pigurang prominente kan Amnayan asin Habagatan.[2]
