United Nations Guiding Principles on Business and Human Rights
An United Nations Guiding Principles on Business and Human Rights (UNGPs) sarong instrumento na binibilog nin 31 prinsipyo na nag-iimplementar kan framework na "Protect, Honor and Remedy" kan United Nations dapit sa isyu kan mga karapatan pantawo asin mga transnasyunal na korporasyon asin iba pang mga negosyo. Pigmukna kan Special Representative of the Secretary-General (SRSG) na si John Ruggie, ining mga Guiding Principles na ini nagtao kan inot na panglobong pamantayan sa paglikay asin pagresolber sa peligrosong epekto sa mga karapatan pantawo na konektado sa aktibidad sa negosyo, asin padagos na nagtatao kan internasyunal na inaakong framework para sa pagpautob kan mga pamantayan asin pagpraktis mapadapit sa negosyo asin mga karapatan pantawo. Kan Hunyo 16, 2011, an United Nations Human Rights Council sararong pig-endorso an Guiding Principles for Business and Human Rights, na ginibo panginot na inisyatiba an nasabing framework manungod sa corporate human rights responsibility na pig-endorso kan UN.[1]
An mga UNGP sakop an tulong harigi na nagsasabi kun panong an mga estado asin negosyo dapat na iimplementar an nasabing framework:
- An katungdan kan estado na protektahan an mga karapatan pantawo
- An responsabilidad kan mga korporasyon na galangon an mga karapatan pantawo
- Akses sa mga remedyo para sa mga biktima nin abuso katakod kan pagnenegosyo
An UNGPs nakaresibi na nin mahiwas na suporta gikan sa mga estado, mga organisasyon na sibil, asin maski sa pribadong sektor, ini urog na pinagpapusog an saindang estado bilang mayor na pangkinaban na pundasyon para sa negosyo asin karapatan pantawo.[2] An UNGP impormal na inaapod na "Ruggie Principles" o "Ruggie Framework" huli ta sinurat sinda Ruggie, na iyo an nagisip asin nanginot sa proseso para sa saindang konsultasyon asin implementasyon.
