Turismong sekswal
An turismong sekswal iyo an kaugalian nin pagbyahe pasiring sa mga banyagang nasyon, parating pasiring sa ibang kontinente, na igwa nin intensyon nin pakisumaro sa sekswal na aktibidad o pakipagrelasyon karibay an kwarta o lifestyle support. An kaugalian na ini predominanteng nag-ooperar sa mga nasyon na kun saen ligal an trabahong sekswal. An World Tourism Organization kan United Nations minidbid an manungod sa industriyang ini na organisado sa laog asin sa luwas kan mga istrukturadong ley asin networks na tinugdas ninda.[1]
An turismong sekswal iyo an komun na pighihiling bilang sarong transnasyonal na agyat, huli ta pwede iyan na mahiling na pigtatarget an mga marginalised demographics sa mga nag-uuswag na nasyon, siring kan mga nasyon sa Americas o Habagatan-subangan na Asya. An pangenot na ethical concerns minalataw gikan sa: ekonomikong gap sa pag-ultanan kan mga turista asin mga residente, an sexual trafficking kan mga aki asin mga kababaehan asin an mga partidong nag-aaprubitsar kan mga kakayahan na makisumaro sa mga menor de edad. An mga grupong ini asin an mga indibidwal nasasairarom sa banyagang ley manungod sa prostitusyon kan hurisdiksyon kan destinasyon, parating minaresulta sa exploitation asin pag-abuso. An mga sekswal na aktibidad na imbwelto an menor de edad haros unibersal na non-consensual asin bakong ligal.
Midbid an turismong sekswal bilang sarong industriya na multibillion-dollar na pigsusuportaran sa bilog na kinaban an sarong workforce na pigtatantya na igwa nin minilyon,[2] na an serbisyong industriya siring kan airline, taxi, restaurant asin hotel minaganar nin delihensya.[3] An pahingorag na turismong sekswal imbwelto an mga lalaking nagbabyahe gikan sa mga nasyon na Global North pasiring sa mga nasyon sa Global South, siring man sa Subangan asin Habagatan-subangan na Asya asin Latin America.[4] Minsan ngani bihira, an pambabaying turismong sekswal nag-eeksistir man.
Toltolan
baguhon- ↑ Marina Diotallevi, ed. (October 1995). WTO Statement on the Prevention of Organized Sex Tourism. Cairo (Egypt): World Tourism Organization. Archived from the original on 14 August 2003. Retrieved 24 December 2014.
Adopted by the General Assembly of the World Tourism Organization at its eleventh session - Cairo (Egypt), 17–22 October 1995 (Resolution A/RES/338 (XI))
Unknown parameter|url-status=ignored (help) - ↑ Hannum, Ann Barger (2002). "Sex Tourism in Latin America". ReVista: Harvard Review of Latin America (Winter). Archived from the original on 4 September 2014. https://archive.is/20140904034255/http://dev.drclas.harvard.edu/revista/articles/view/53. Retrieved on 6 October 2011.
- ↑ "La explotación sexual de menores en Kenia alcanza una dimensión horrible" [The sexual exploitation of children in Kenya reaches a horrible dimension] (PDF) (in French). Spain: Unicef España. 17 January 2007. Archived from the original (PDF) on 24 March 2010. Retrieved 6 October 2011. Unknown parameter
|url-status=ignored (help) - ↑ Kachipande, Sitinga (2023). "Sun, Sand, Sex, and Safari: The Interplay of Sex Tourism and Global Inequalities in Africa's Tourism Industry". Journal of Global South Studies (Project MUSE) 40 (1): 1–37. doi:. ISSN 2476-1419.
