Torre nin Banderá kan Hanoi
An Torre nin Banderá kan Hanoi (Vietnamese: Cột cờ Hà Nội) saróng torre sa Hanoi, Bietnam, na kun saen saró ini sa mga simbolo kan syudad dangan minsan nagin saróng parte kan Muog nin Hanoi, saróng Pamanang Lugar kan Kinában. 33.4 m an langkaw kaini (41 m kaiba an Banderá).
| An Torre nin Banderá kan Hanoi | |
|---|---|
| Cột cờ Hà Nội | |
 An Torre nin Banderá kan Hanoi sa Bietnam | |
 | |
| Pangenot na Impormasyones | |
| Tipo | Torre |
| Nasyon | Bietnam |
Historiya baguhon
Pigtindog an torre kadtong 1812 sa kasagsagan kan dinastiyang Nguyen bilang saróng poste nin pan-mangno o pan-obserbar sa Muog nin Hanoi. Bakong arog kan dakol na ibang mga estruktura sa Hanoi, dae ini naragba sa kasagsagan kan pagsakyada nin Pranses (1896-1897) dangan pigpadagos na piggamit bilang saróng poste nin militar. Madudugangan ini ngunyan sa Museo nin Historiyang Militar kan Bietnam.
Arkitektura baguhon
Igwa an Cột cờ nin tolóng mga tier dangan korteng-piramid na torre na igwang spiral staircase paduman sa itaas sa laog kaini. Nasa 42.5 m kadakula dangan 3.1 m kalangkaw an enot na tier; an panduwa, nasa - 25 m kadakula dangan 3.7 m an langkaw asin an panhuri, nasa - 12.8 m kadakula dangan 5.1 m an langkaw. Igwang apát na mga pinto an ika-duwang tier. Naka-inskriba an mga taramon o katagang "Nghênh Húc" (English: "To welcome dawn's sunlight") sa subangan na pinto; an katagâ na "Hồi Quang" ("To reflect light") naman - nasa sulnupan na pinto dangan an "Hướng Minh" ("Pigderekta sa liwanag nin saldang") - sa sur na pinto. Pigpapaliwanag an torre kan 36 na korteng-burak dangan 6 na korteng-pamaypay na mga bintana. An Nasyunal na Banderá kan Bietnam yaon sa itaas kan torre.
Hilingon man baguhon
Mga panluwas na takod baguhon
Igwang relatibong medya para sa Torre nin Banderá kan Hanoi duman sa Wikimedia Commons- A description of the tower Archived 2006-04-28 at the Wayback Machine.
- A photo of the tower Archived 2012-02-04 at the Wayback Machine.
- Satellite photo at Google Maps
