Tishiko King
Si Tishiko King orihinalmente na gikan sa Torres Strait Islands nin Australia. Siya an tagapagkampanyang direktor sa Seed Idigenous Youth Climate Network asin nag-entra sa 2021 United Nations Climate Change Conference (COP26) sa Glasgow, kun sain siya man an nagrepresentar kan organisasyon nin isla kan Torres Strait an Our Islands Our Home.[1][2]
Buhay
baguhonSi King, sarong Katutubong Australyano, sarong babaing Kulkalaig gikan sa Masig Island (Yorke Island) asin igwang kapag-arakian saBadu Island, siring man sa Torres Strait. Binayaan niya an saiyang pamilya tanganing mag-atendir sa eskwela nakatenir digdi sa amay na edad kun sain siya nagdakula sa sarong banwaan nin minahan kan saiyang magamiawan an epekto kan pagmina sa mga katutubo. Matapos an sarong taon nin pagklase sa kolehiyo, nagpundo siya sa unibersidad dangan nagtrabaho sa sarong resort sa Moreton Island, norte-este kan Brisbane, kun kaya nagkaiwa siya nin pagkahilig sa dagat. An saiyang desisyon na ipagdagos an karera bilang sarong biyologo sa marina dagos man na naimpluwensiyahan kan Cyclone Hamish kan 2009 na nagkawsa nin distroso sa barkong MV Pacific Adventurer, na nagresulta kan pagwarak kan gasolina asin ammonium nitrate pasiring sa Coral Sea, na naglakop sagkod sa Moreton Island asin pagtaraid na lugar. Si King nagin parte kan mga nagrabuz sa Moreton Island tanganing malinigan an baybayon, kun kaya saiyang nahiling nanggad an distroso sa baybayon asin buhay-marina digdi.[3][4]
Karera asin aktibismo
baguhonMakalihis an pirang taon, si King nagbwelta sa unibersidad tanganing adalan an buhay marina sa Griffith University sa South East Queensland sa tabang kan CSIRO, saring ahensyang Australyano na responsible para sa siyentipikong pagsaligsalig. Siya man nagtrabaho bilang sarong indigenous liaison officer sa sarong bauxite mining company sa Weipa, sa Cape York Peninsula sa Queensland. Dangan, siya nagin campaign director sa Seed Indigenous Youth Climate Network asin nagtrabaho man bilang sarong boluntad na impact coordinator sa Environmental Film Festival Australia. Siya man sarong community organizer sa Our Islands Our Home.[3][4][5]
Toltolan
baguhon- ↑ "'Indigenous people feel the climate crisis. Our land is a part of us'". The Age. Retrieved 15 November 2021.
- ↑ "Our Islands Our Home". Our Islands Our Home. Retrieved 15 November 2021.
- ↑ 3.0 3.1 "Tishiko King, Seed Mob". Groundswell. Retrieved 15 November 2021.
- ↑ 4.0 4.1 "TISHIKO KING". World Science Festival. Retrieved 15 November 2021.
- ↑ "Tishiko King". Indigenous Women In Mining and Resources Australia. Retrieved 15 November 2021.