Teresita Reyes
Si Teresita "Mama Sita" Reyes (Manila, Mayo 11, 1917 - 1998) sarong Filipinang nakanood na husto kan mga lutong filipino asin an adal niyang ini ginamit sa pagpabantog, pagpalakop, pagtukdo kan iba-ibang klaseng filipinong luto hasta pagtinda nin pormal kan mga iba-ibang klaseng sarsa asin pantaong namit sa mga lutong filipino. [1] Mala ta siya nakamukna kan kompanyang inaapod na "Mama Sita's Holding Company Incorporated" na bisto man sa pangaran na "Marigold Commodities Corporation" na an negosyo iyo an paggibo asin pagbenta nin mga sarsa, mga tawyo asin mga suka na pangsangkap sa pagluto.[2]
Duwang librong resipe nin mga lutong filipino an napalagda bunga kan saiyang paghingoa: An saro napaluwas kan 1996, Mama Sita's Cookbook na oro-otro nang nagluwas sa pirang edisyon. An ikaduwa, Mama Sita's Homestyle Recipe, nagluwas man kan 2010.[3]
Personal baguhon
An saiyang ina iyo si Dna. Engracia Reyes na iyo an kagsadiri kan Aristocrat Restaurant asin huli kan negosyong ini kan saiyang pamilya, husto siyang napalbag sa mga kasiribotan igdi orog na sa mga sekreto nin pagbibisto kan mga lutoon asin mga manlaen-laen na mga sangkap sa mga giso.[4]
Pagpipilang baguhon
An gobyerno kan Filipinas nagpaluwas kan Febrero 2011 nin mga selyo postal para saiya sa pag'onra kan saiyang naginibohan asin kun saen siya binibisto bilang sarong kahimanwa, sarong ina, sarong chef asin sarong restaurateur o kusinera. [5]
Mga panluwas na takod baguhon
- [1] Websayt kan saiyang mga resipe. Kinua 21-04-15.
Toltolan baguhon
- ↑ https://en.wikipedia.org/wiki/Mama_Sita%27s_Holding_Company Kinua 21-04-15
- ↑ http://www.manilatimes.net/stamp-design-competition-launched-for-ph-culinary-icon/176609/ Kinua 21-04-15
- ↑ ibid
- ↑ http://www.philippinestamps.net/RP2013-MamaSita.htm Kinua 21-04-15
- ↑ http://www.philippinestamps.net/RP2013-MamaSita.htm Kinua 21-04-15
