An teknolohiya (Ingles: technology, "siyensya nin kagibohan", gikan sa Griyegong τέχνη, techne, "arte, katibayan, katibayan nin kamot"; asin -λογία, -logia[1]) iyo an kabilugan nin mga teknik, katibayan, paagi, asin prosesong nagagamit sa produksyon nin mga produkto o serbisyo o sa pag-abot nin mga katuyohan, arug kan siyentipikong imbestigasyon. An teknolohiya pwedeng magin an kaaraman nin teknik, proseso, asin an kaparehas, o pwedeng yayaon sa mga makina para matugotan an mga ini sa operasyon nin mayong detalyadong kaaraman kan saindang mga kagibohan. An mga sistema (e.g. makina) nag-aaplika nin teknolohiya sa pagkua nin input, pigliliwat an mga ini dapit sa kagamitan kan sistema, asin naghihimo nin outcome. An prosesong ini iyo inaapod bilang sistemang pangteknolohiya.

Sarong tubig-sangaw na turbina (steam turbine) para sa pagmokna nin elektrisidad. Halangkaw na magkatakod an pagkonsumo nin elektrisidad asin kamugtakan nin pagbuhay.

An teknolohiya igwa nin nagkapirang mga epekto. Nakatabang ini sa paghaman nin mga haralangkawon na mga ekonomiya (kabali an sa ngunyan na pankinabang ekonomiya) asin iyo nagpapasil sa mga kasibotan. An nagkapirang mga prosesong teknolohikal iyo minahimo nin dae-pigmamawot na mga produkto na bisto bilang polusyon sagkod pigraraot an kapalibotan kan Kinaban. An mga inobasyon iyo pirming naiimpluwensyahan an kaugalian kan sosyedad asin nagsasangat nin mga bagong kahaputan sa etika kan teknolohiya. An mga halimbawa kaiba an pagsakat kan nosyon nin pagigin produktibo kan katawohan, asin an mga hamon kan biyoetika.

Padagos na pagbasa baguhon

Toltolan baguhon

  1. Liddell, Henry George; Scott, Robert (1980). A Greek-English Lexicon (Abridged ed.). United Kingdom: Oxford University Press. ISBN 978-0-19-910207-5.