Suso

An suso o dudo saro sa duwang prominenteng lugar na yaon sa itaas kan ventral nin sarong torso nin primate. An mga babae asin lalaki pareho nagkakaigwa nin suso hale sa iyo man sanang embriyolohikal na mga tisyu.

Suso
Morpolohiya kan suso nin babaying tawo kaiba an areola, utong, asin inframammary fold
Mga detalye
Artery	internal thoracic artery
Vein	internal thoracic vein
Identifiers
Latin	mamma (mammalis kan suso)
MeSH	D001940
TA98	A16.0.02.001
TA2	7097
FMA	19898 9601, 19898
Anatomikal na terminolohiya

Sa mga babae, iyan nagseserbing mammary gland, na nagbubunga asin nagluluwas nin gatas tanganing pakakanon an mga umboy. An subcutaneous na taba nakatatahob sa sarong grupo nin mga network nin ducts, asin an mga tisyung ini nagtatao kan sukol asin korte kaiyan. Sa mga poro kan duktang mga lobula, o mga cluster nin alveoli, na kun saen an gatas pinoprodusir asin isinasaray bilang simbag sa mga senyal na hormonal. Durante nin pagbabados, an suso minasimbag sa komplikadong interaksyon nin hormones, kaiba an mga estrogen, progesterone, asin prolactin, na nakatabang sa kan pagdevelop kaiyan, an mga ngaran, iyo an lobuloalveolar maruration, bilang pag - andam nin laktasyon asin pagpasuso.

An mga tawo sana an hayop na igwang permanenteng suso. Sa pagka-tinedyer, an estrogens, kadungan nin hormones sa pagtubo, nagigin dahelan nin permanenteng pagtalubo nin suso sa mga babaeng tawo. Nangyayari sana ini sa mas dikit na sokol sa ibang primadong pagtalubo sa suso sa kadaklan nangyayari sana sa pagbabados. Kaiba kan saindang mayor na trabaho sa pagtao nin nutrisyon para sa mga omboy, an mga susong babae igwa nin sosyal asin sekswal na mga karakteristiko. May mga pangyayari na itinampok sa suanoy asin modernong iskultura, arte, asin retrato. Pwede sindang magin prominente sa pagsabot sa hawak asin sekswal na kagayonan nin sarong babae. An nagkapirang kultura ikinokonektar an suso sa sekswalidad asin may tendensiang ibilang an suso sa publiko na bakong mabini o bakong disente. An mga suso, nangorog na an mga utong, sarong erogenous (magirok) na sona.