Suplay kan tubig asin sanidad sa Pilipinas

An Sistemang Pansuplay-Tubig kan Pilipinas dagos na naibalik taong 1946,matapos na makalibre an bansa.

An mga ahensya,lokal na institusyon,mga pang indibidwal na organisasyon asin iba pang korporasyon ang nagin pangenot na sa pagsibot sa pagbabalik operasyon kaini.

Pinagkukuanan

An Ambuklao Dam asin Hydroelectric Power Plant sa Bokod, Benguet,Pilipinas.

An mga salog,lawa asin mga kalot na bobon an mga pangenot na pinagkukuanan nin tubig kan Pilipinas,an pinakahalaba asin pinakadakolang salog nin Cagayan nagpapalowas nin aaboton sa 53,943 milyong metro cubiko nin tubig permi asin igwa man ini nin pan irarom na tubig na minareserba o minasaray nin 47,895 milyong metro cubiko dara kan pag uuran na minadalihig man sa mga salog asin lawa,Asin an mga ini pinagngangatamanan man para sa pansirang katuyuhan.

An apat na pangenot na mga panrarom na tubig iyo an minasunod;Cagayan,Central Luzon,Agusan asin Cotabato,asin igwa nin 438 mayor na dam asin 423 na saradit pa asin ini iyong pinaggagamet para sa pagsaray nin tubig,pagsusuplay,irigasyon,sa baha asin pang enerhiya.

An tubig sa Metropolitang lugar kan manila iyo nangggad hali asin iyong pinagsusuplay kan Angat Dam,Ipo asin La Mesa Dam na iyo sa mga pinakabisto asin pinakadakulang Dam sa alta sosyudad kabale an Ambuklao Dam na pinaorog sa pagkontrol baha,irigasyon asin pang enerhiyang gamit kan Baguio asin iba pang rehiyon sa luzon asin Magat Dam pang irigasyon asin pang enerhiya para sa isabela.

Gamit

28.52 bilyong metrong cubico nin tubig an pinagkukua hali sa mga pangenot na kuanan kaini sa Pilipinas. Kan taong 2000 74%(21.10 bilyong metrong tubig)na pinaggagamet para sa pang agrikultural na katuyuhan,9% (2.57 Bilyong metrong cubikong tubig ) asin 17% (4.85) Para sa pandayong pagkonsumo.

Talangga kan sistema kan tubig

Basado sa pag-adal kan 2005 kan World Bank, nasa 5,000 na mga nagdidistribwer nin tubig igwa an Pilipinas.^[1] Kadakli sainda tubig sana an naitatau huli ta an pag-asigurar sa kalinigan kaini, pansadiri naman na responsibilidad.^[2] Nakaklasipikar sa tulong talangga an imprastrakturang ini:

An bombahan sarong ehemplo kan inot na talangga sa kuahan tubig.

Mga talangga kan sistema kan tubig sa Pilipinas^[3]
Talangga I	Makakaunoy na kuahan tubig (hal. bombahan, bubon, koleksyon kan tubig uran) nagseserbe sa poco mas o menos 15 harong sa rayo na 250-metros
Talangga II	Tubig na minaagi sa tubo para sa pankomunidad na suplay(hal. borewell, sistemang spring) nagseserbe sa poco mas o menos 4-6 na harong sa rayo na 25-metros
Talangga III	Tubig na minaagi sa tubo kaiba kan pribadong kagsadiri (hal. koneksyon sa harong) basado sa urualdaw na pangangaipo sa tubig na nasa 100 litro kada tawo

↑ World Bank (December 2005). Philippines: Meeting Infrastructure Challenges. http://siteresources.worldbank.org/INTEAPINFRASTRUCT/Resources/PHInfra.pdf. Retrieved on April 9, 2008. , p. 110
↑ World Bank (December 2005). Philippines: Meeting Infrastructure Challenges. http://siteresources.worldbank.org/INTEAPINFRASTRUCT/Resources/PHInfra.pdf. Retrieved on April 9, 2008. , p. 116
↑ World Bank Water and Sanitation Program – East Asia and the Pacific (February 5, 2007). Identifying Elements of Sustainability – Lessons Learned from Rural Water Supply Projects in the Philippines. http://www.wsp.org/filez/pubs/319200740400_identifyingelementsofsustainability.pdf. Retrieved on April 9, 2008. , p. 4

[WB_110-1] World Bank (December 2005). Philippines: Meeting Infrastructure Challenges. http://siteresources.worldbank.org/INTEAPINFRASTRUCT/Resources/PHInfra.pdf. Retrieved on April 9, 2008. , p. 110

[WB_116-2] World Bank (December 2005). Philippines: Meeting Infrastructure Challenges. http://siteresources.worldbank.org/INTEAPINFRASTRUCT/Resources/PHInfra.pdf. Retrieved on April 9, 2008. , p. 116

[3] World Bank Water and Sanitation Program – East Asia and the Pacific (February 5, 2007). Identifying Elements of Sustainability – Lessons Learned from Rural Water Supply Projects in the Philippines. http://www.wsp.org/filez/pubs/319200740400_identifyingelementsofsustainability.pdf. Retrieved on April 9, 2008. , p. 4

[1]

[2]

[3]