Stacey Milbern
Si Stacey Park Milbern (Mayo 19, 1987 – Mayo 19, 2020) sarong Amerikanong disability rights activist. Nagtabang sya na mahaman an hustisya para sa mga tawong igwa nin kakundian asin patas na pagtratar sainda.
Biograpiya
baguhonSi Milbern pinangaki sa Seoul kan Mayo 19, 1987 na igwa nin muscular dystrophy.[1][2] Halo an saiyang rasa, an saiyang ama na si Joel, puti, asin an saiya man na ina na si Jean, Korean. Nagdakula sya sa North Carolina sa sarong mala-militar napamilya, huli ta si Joel yaon sa United States Army.[3] Bilang sarong aki, nagdakula sya sa saiyang pamilya asin an mga ini sana man an nag-ataman saiya. Alagad kan mamidbid nya an saiyang sadiri bilang queer, natakot sya sa magigin reaksyon kan saiyang saradong Katolikong mga magurang. Dangan nagdesisyon sya na maghali na nagin masakit ngani saiya ta sainda sya nagsasasarig pag-abot sa pagkakan, pagturog, dangan pag gamit kan kasilyasan.
Kan 2005, si Milbern nagtabang na mahaman an paghiro sa pagkakaigwa nin hustisya para sa mga igwa nin kakundian..[2] Nag gradwar si Milbern sa Methodist University kan 2009.[1]
Nagpasiring sya sa Bay Area kan sya 24,[1] huli ta an San Francisco na lugar saro sa mga aksisibleng lugar para sa mga igwa nin pisikal na kakundian. Nagin historikal na sentro an Bay Are para sa mga disability-rights movement,[3] asin digdi sya nagpadagos kan pag-organisar, pagsurat, asin pagtaram para sa paghiro, kun sain sya man nagin direktor para sa Center for Independent Living, Berkeley.[4]
An California kabali sa mga estadong nag gagastos nin kwarta para sa mga benepisyong home care, asin sya nagkaigwa nin pagkakataon na makakua nin suportang Medicaid para sa sarong kaibahan sa harong, kaya sya nagkaigwa nin pagkakataon na mamuhay solo sa Oakland[5] dangan makakua man nin posisyon para sa human resources sa bangko. Pigpasalamatan nya man an pag-asister saiya an mga nurse para sa saiyang kakayahan na magin aktibo man giraray sa komunidad dangan makarayo sa posibleng institutionalisasyon sa mga nursing home.
Pigkumparar nya man an independensya nyang nakua sa California kontra sa saiyang mga eksperyensya sa North Carolina, asin pig depensahan an pangangaipo kan Medicaid na mga programa na mapondohan an mga home attendant asin nursing services kontra sa nagpaparababang espwerso na ini halion o ribayan kan Affordable Care Act.
Nagkua sya nin masters degree sa Mills College kan 2015.[1]
Pig-adbokasiya man ni Milbern an patas na asistensyang medikal para sa mga tawong igwa nin pisikal na kakundian, kabali an koneksyon sa sistema, pagkontra sa mga dai man kaipuhan na surgery.[1] Pig-abisohan man nya an administrasyon ni Obama sa laog nin duwang taon.[6]
Kan kaamayi kan Marso 2020, mantang naglalakop an COVID-19 pandemic sa Bay Area, si Milbern asin an saiyang apat na kaibahan, hinaman an Disability Justice Culture Club tangani na magpanao nin mga disease-prevention kits, kaiba igdi an hand sanitizer, disinfectant, asin respirators, sa mga residente kan Oakland homeless encampments. Pigtawan nya man doon an kolektibong pankomunidad na karahayan asin karahayan kaidtong mga yaon sa dai gayong marhay na kamugtakan. Pigsabi nya man na an saiyang DIY na solusyon sarong ehemplo nin crip - o crippled wisom. Ginibo nya ini dawa na sya nagmamati-mati na, mantang sya pig-operahan huli sa igwa sya nin kidney cancer. Pigtawan nya nin abiso na an kakulangan nin health services sa saiyang komunidad makakaapektar sa pagkakaligtas kan mga tawo. Nag-organisar man an saiyang grupo nin mutual aid food asin care support para sa mga igwa nin kakundian.[7]
Nagadan si Milbern sa sarong ospital sa Stanford sa saiyang ika-33 na kamundagan kan , Mayo 19, 2020, huli sa mga komplikasyon sa operasyon.[1]
Reperensya
baguhon- ↑ 1.0 1.1 1.2 1.3 1.4 1.5 Genzlinger, Neil (2020-06-06). "Stacey Milbern, a Warrior for Disability Justice, Dies at 33" (in en-US). https://www.nytimes.com/2020/06/06/us/stacey-milbern-dead.html.
- ↑ 2.0 2.1 Tso, Tiffany Diane (28 May 2020). "5 Disability Justice Activists to Know This Asian Pacific American Heritage Month" (in English).
- ↑ 3.0 3.1 Raff, Jeremy (2017-07-10). "Why Americans With Disabilities Fear Medicaid Cuts" (in English).
- ↑ Katayama, Devin (May 29, 2020). "What Disability Justice Activist Stacey Park Milbern Taught Us". https://www.kqed.org/news/11821598/what-stacey-park-milbern-taught-us.
- ↑ Milbern, Stacey (March 31, 2017). "Four Videos Show Why Medicaid-Funded Personal Care Services Matter" (in English). Archived from the original on April 13, 2021. Retrieved March 10, 2021.
- ↑ "Stacey Milbern". Archived from the original on 2020-07-19. Retrieved 2021-03-10.
- ↑ Green, Matthew (March 17, 2020). "Coronavirus: How These Disabled Activists Are Taking Matters Into Their Own (Sanitized) Hands". KQED. https://www.kqed.org/news/11806414/coronavirus-how-these-disabled-activists-are-taking-matters-into-their-own-sanitized-hands.
Panluwas na mga link
baguhon- Stacey Milbern Park on Pushing Limits (June 5, 2020)