Sophie Blanchard

Si Sophie Blanchard (Marso 25, 1778 – July 6, 1819), midbid na Madame Blanchard asin bistado man kan kadaklan sa saiyang ngaran na pinagdugtong sa pagkadaraga asin kan pag-agom arog kan Madeleine-Sophie Blanchard, Marie Madeleine-Sophie Blanchard, Marie Sophie Armant asin Madeleine-Sophie Armant Blanchard, sarong aeronaut na Pranses asin agom kan payunir na si Jean-Pierre Blanchard. Si Blanchard an enot na babaying nagtrabaho bilang propesyonal na balloonist hanggang magadan an saiyang agom pinadagos niya an trabahong ini, nakagibong lampas sa 60 na pagtaas. Midbid sa buong Europa, kinaaliwan siya ni Napoleon Bonaparte, na nagbusol saiya na maging "Aeronaut of the Official Festivals", rinibayan niya si André-Jacques Garnerin. Kan nagkaigwa giraray nin monarkiya kan 1814, nagtanghal siya para ki Louis XVIII, na nagtao saiyang titulo na "Official Aeronaut of the Restoration".

Si Blanchard na maheheking sa inukit ni Jules Porreau kan 1859

An ballooning sarong makatakot na negosyo para sa mga payunir. Nawaran nin malay si Blanchard sa mga manlaen-laen na okasyon, tinios an nagyeyelong temperatura asin haros malamos kan nahulog sa katubigan. Kan 1819, siya an enot na babaying nagadan sa aksidente sa himpapawid, habang nag-eexhibition sa Tivoli Gardens sa Paris, siya nagpaputok na nagpangyari na magkilyab an gas sa laog. An aksidente nagkawsa na siya mahulog sa bubong nin harong asin siya nagadan.

Si Jean Pierre Blanchard.

Pagtaas hale sa Champ de Mars, Hunyo 24 1810

An pagtanghal ni Sophie sa Milan kan Agosto 15, an ika- 42 kaaldawan ni Napoleon.

Death of Mme. Blanchard, ilustrasyon kan ika 19 na siglo

Saro pang ladawan kan siya magadan kan 1869