Sophia Li
Si Sophia Li sarong Tsino-Amerikang multimedia journalist, direktor nin pelikula, asin tagapagtulod nin adbokasiya para sa kapalibotan. An pira sa saiyang mga pigkakasibotan iyo an pagtutukar kan mga isyu manungod sa klima, racial justice, asin an mga ini maintindihan kan lambang tawo sa mas pasil na paagi. [1]Pignumrahan man sya bilang saro sa mga Top Climate Communicators kan 2022, kun sain an saiyang mga trabaho nahiling naman sa CNN, Vice, asin United Nations. Si Li saro man sa kagtugdas asin co-host kan All of the Above, sarong talk show manungod sa pagsusustener. Yaun sya sa Meta podcast, partikular sa Climate talks. Lain pa kaiyan, saro sya sa nagtutukaw na Direktor kan environmental nonprofit na Slow Factory asin man advisory Board kan Better Shelter.[2] Nagdirektor naman sya para sa pirang kampanya sa irarom kan mga brand na Nike, Facebook, asin Fendi. Gulpi man syang nakaulay nang tawo sa linya kan fashion, teknolohiya, asin kultura. Pira sa mga bantog na tawo na nakaulay nya iyo sinda Arianna Huffington na sarong youth climate activist, si Celine Dion, asin pirang tawo na ginawadan nin premyong Nobel. Pignumrahan man sya kan Forbes, NY Magazine, asin Refinery29 bilang sarong lider nin pagbabago.[3]
