Sonia Roco
Si Sonia Cubillo Malasarte-Roco[1] (pinangaki kan Huly 20, 1944) iyo an nabalong agom kan Filipinong senador asin nagin kandidato pagka-presidente na si Raul Roco. Nagdalagan man siya sa pagkasenador kan 2007 sa Philippine Midterm Elections sa irarom kang partido kan saiyang nagadan na agom, an Aksyon Demokratiko, na naki-alyado sa mga oposisyon na koalisyon na inaapod na Genuine Opposition. Siya nagbali sa koalisyon matapos na si JV Ejercito, aki kan dating presidente na si Joseph Estrada, huminali bilang kandidato sa pagkaoposisyon nin huli sa sugo kan saiyang ama.[2]
| Sonia Roco | |
|---|---|
| Personal na mga detalye | |
| Kamundagan | Sonia Cubillo Malasarte Hulyo 20, 1944 Tondo, Manila, Commonwealth of the Philippines |
| Partido politikal | Aksyon |
| Iba pang partido | Liberal |
| Agom | Raul Roco |
| Kasibotan | Educator |
An saiyang pamilya
baguhonSi Sonia Roco aki kan dating Kongresista na si Pablo Malasarte kan Bilar asin an saiyang agom na si Petra Cubillo kan Calape, Bohol. Pirming nagtatao nin onra sa pagklase si Sonia puon kan elementarya abot kolehiyo. Ginawadan man siya nin "Most Outstanding Student of the Philippines kan 1964, enot siya sa saiyang magigin agom na si Raul na nagpanduwa sana sa mga kolehiyong estudyante na niranggo base sa saindang kabansayan sa akademiya, abilidad sa pagigin lider asin iba pang espesyal na onra. Resipiyente man si Sonia kan Cardinal Santos Leadership Award, bilang pagserbisyo bilang presidente kan Student Catholic Action (SCA) asin sa National Union of Students of the Philippines (NUSP), sarong pambansang organisasyon kan mga estudyante na ipinundar kan magiging Philippine Chief Justice Artemio Panganiban.
Si Roco nagtapos nin Batsilyer kan Siyensya sa Edukasyon na may onra bilang Magna Cum Laude sa Saint Joseph's College, sa Quezon City. Nagtapos man siya nin Master kan Arte sa Arteng Pangkomunikasyon asin Master kan Arte sa Sikolohiya Sosyal sa Ateneo de Manila University. Siya nagkua man nin mga kurso sa Child Development Center sa Unibersidad kan Filipinas-Diliman.
Karera
baguhonBilang sarong paratukdo, siya naging parte kan pagbungsod kan "Our School," sentro kan early childhood education sa Ateneo Psychology Department. Nagtindog man siya kan "Live and Learn Pre-school," sarong eskwelahan pang primera sa Katipunan, Quezon City.
Bilang sarong taga-teatro, nag-adal si Sonia nin Speech and Drama sa London, England. Sa saiyang pag-uli sa Filipinas, siya nagtukdo man kan gibo panteatro asin naggibo nin mga stage plays asin musicals.
Nagdalagan si Sonia bilang senador kan Philippine general election, 2017, asin siya nagin ika-17 sa irarom kan Genuine Opposition na may 8,457,710 na boto. Liwat siyang duminalagan sa pagkasenador sa irarom kan Partido Liberal asin siya nag ika-18 na may resultang 6,290,925 na boto.
Personal na buhay
baguhonBilang sarong dedekadong agom ni Raul, aktibong sinuportahan ni Sonia ang saiyang agom sa mga papel kaini sa komunidad bilang sarong abogado, kongresman, senador, Sekretaryo kan Edukasyon, kandidato sa pagkapresidente asin internasyonal na parliamentarian. Ang mag-agom biniyayaan nin anum (6) na aki asin siyam (9) na mga makuapo. Sinda ginawadan nin Golden Parents Award kan 1995.
Kan 1998 asin 2004 Philippine presidential campaign, aktibong ikinampanya ni Sonia ang saiyang agom, asin siya man inapod kan lokal na media bilang babaeng preparado para maging inot na babae kan bansa. Kan Agosto 5, 2005, si Raul Roco nagadan sa helang na prostate cancer.
Gibong pankomunidad
baguhonSi Sonia aktibo sa mga urulay pang edukasyon, sosyal, kultural asin pangkalikasan. Bilang dating presidente asin tagapundar kan 20-anyos na Women in Nation Building (WIN), siya man ang pirming iniimbitar magtaram manungod sa mga isyung pangkababaehan. Sa mga urulay pangsalud, siya man naiimbitar magwaras kan saiyang kaaraman ta mismo siya naka-eksperiensiya maging tagapag-asikaso sa saiyang nagmamate na agom na si Raul. Kaiba man si Sonia sa nagtindog kan Hospisyo de San Michael kan 1996 na nagtatabang sa mga pobre asin may mga kamatean. Aktibo man an saiyang relasyon sa Student Catholic Action Leadership Foundation, an organization na nag-iigot mapatalubo asin mapabisto an SCA sa mga jovenes. Siya an direkto ehekutibo kan Student Catholic Action sa Pilipinas.
Si Sonia kaiba si Dr. Patricia Licuanan nagtindog kan Manila Community Orchestra. Kaiba man sina Corazon Alma de Leon asin Tony Arevalo, sa paagi kan saiyang programa sa radyo na "Kapitan del Baryo," naghihingoha na pakusugon an demokrasya sa tinubuan na lugar. Puon kan si Sonia nag-adal nin Dramatics sa UK, siya man naglaog sa klase ni Barbara Gonzalez para maggibo nin mga tula.[3]
Toltolan
baguhon- ↑ Gerona, Danilo Madrid, The Ateneo de Naga at Seventy Building a Tradition of Excellence , C2010 pp.145
- ↑ Estrada son out of UNO; Roco in - INQUIRER.net, Philippine News for Filipinos Archived 2007-02-11 at the Wayback Machine.
- ↑ showbizandstyle.inquirer.net, What’s Sonia Roco up to? Archived 2008-07-14 at the Wayback Machine.
