Sone Tatsuzō
Si Sone Tatsuzō (曽禰 達蔵, Enero 3, 1853—Desyembre 6, 1937) sarong Hapon na arkitekto, na mauunabihan sa saiyang paggamit kan sulnopan na estilong arkitektural sa peryodong huring parte kan Meiji. Siya saro sa tagasunod ni Josiah Conder.
| Sone Tatsuzō | |
|---|---|
 Sone Tatsuzō | |
| Kamundagan | 3 Enero 1853 Tokyo, Hapon |
| Kagadanan | 6 Desyembre 1937 (edad 84) Tokyo, Hapon |
| Nasyunalidad | Hapon |
| Alma mater | Imperial College of Engineering |
Kaamayi nin buhay asin karera
baguhonKairiba sinda Katayama Tokuma, Tatsuno Kingo asin Satachi Shichijiro, si Sone yaon sa grupo nin mga bantogan na mga estudyante sa arkitektura sa Imperial College of Engineering, Tokyo, asin sinda mga estudyante kan Briton na arkitektong si Josiah Conder.
Isinubol sa London kan 1901 kan kagmukna kan Mitsubishi, na si Iwasaki Yanosuke, si Sone pagbalik iyo an nagdesenyo asin nagpakonstruksyon kan Senshokaku, sarong eleganteng 2-eskalon na mansion tinugdok sa bulasok na gilid kan bulod na kun saen natata'naw an astilyera nin Nagasaki.[1]
An pinakabantog na trabaho ni Sone iyo an Old University Library Building (1912), na yaon pa nakatindog sa kampus kan Keio University duman sa mayor na kampus sa Mita. Katuwang an saiyang partner na si Chujō Seiichirō, sa Sone nagprodyusir nin edipisyo sa estilong Edwardian neo-gothic sa pulang radrilyo na pinatos sa puting pinta. An Old Library iyo na an pinakabistong landmark sa unibersidad. An huring peryodong Meiji na estrukturang ini naggamit nin modernong teknolohiya kan panahon na idto, na may mga aserong kabaan asin pinapusog na konkretong salog, siring man mga sirkwit elektrikal na mahusay para sa gas asin steam.
Sa pag'ultan kan peryodong pagtatapos kan Meiji asin Ikaduwang Gerang Pankinaban, si Sone asin Chujo nagdesenyo man nin mga edipisyo para sa Keio University kabali diyan an Keio Corporate Administration Building asin an First School Building, na pareho pa tindog sa kampus kan Mita.[2]
Si Sone bilang superintendente, kaiba an dating instructor sa unibersidad na si Josiah Conder komo arkitekto, responsable kan dakul na mga bantogan na pulang-radrilyong mga edipisyong Mitsubishi sa Marunouchi, Tokyo.[3] An distrito nin Marunouchi pigdesenyo na an mga edipisyo igdi pigplano na matibay sa anoman na kusog nin linog asin an Mitsubishi zaibatsu nagpagibo nin 20 mga edipisyo na siring pakadesenyo sa lugar na idto bago pa nangyari an Dakulang Linog Kantō kan 1923.[4]
Mga edipisyo
baguhon- 1912 Keio University Old Library
Toltolan
baguhon- ↑ Checkland, Olive (2003). Japan and Britain After 1859: Creating Cultural Bridges
. London: RoutledgeCurzon. p. 80. ISBN 0-7007-1747-1.
- ↑ "The Architecture of Keio University". Keio in Depth. Keio University. Retrieved 4 December 2014.
- ↑ Checkland, Olive (2003). Japan and Britain After 1859: Creating Cultural Bridges . London: RoutledgeCurzon. p. 80. ISBN 0-7007-1747-1.
- ↑ Clancey, Gregory (2006). Earthquake Nation: The Cultural Politics of Japanese Seismicity, 1868-1930 . Berkeley and Los Angeles: University of California Press. p. 201. ISBN 0-520-24607-1.
