Solis
An Solis o kolis (Pisonia alba Spanoghe; Ingles, lettuce tree) sarong tinanom na nagkakahoy. Ini namimidbid na gayo sa saiyang mga dahon na nagkokolor maraborab na giyaw nagsasaralak sa mapu'saw na berde. An mga dahon kaini, kun naggurang na may lakbang na naabot 6 na pulgada asin 12 pulgada man an laba, matitipanas an mga poro. Masanga asin malamuti an kahawakan kaini, aboton an langkaw na anom na metro kun gurang na an pangangahoy. Ini natural na nagturubo sa Indonesya, Malaysia, Thailand, Bietnam, Tsina, Australia. Ini kinukultibar man sa Indya asin sa Sri Lanka.[1]
An mga ogbos dahon kaini ginugulay, an haralakbang pinapatos sa inon-on, biniberdura sa sinabawan na karne o sira.
An mismong tinanom nasirbeng gayong pananom na ornamental sa mga natad huli kan magayon na porma asin tindog niya asin huli sa mga dahon na garo pirming ogbos an hitsura asin nakakaganyat na kolor na berdeng giyaw.
Medisinal
baguhonMay pagtubod na ini maray ilahid sa gatok kan elephantoid. An dahon na ginaga' pwede kakanon sa pagpaginhawa sa kulog arthritis, o reuma asin nasirbeng pampurga , pagpaina duros sa tulak. Sa pagbulong tradisyonal sa Indya nauusar ining kontra sa diabetes, panlaban sa mga gatok-gatok, sa pagbulong man kan algesia, ulcer, dysentery o tuka halas.[2]
