Sofonisba Anguissola

Si Sofonisba Anguissola (c. 1532[1] – 16 Nobyembre 1625), bisto man sa ngaran na Sophonisba Angussola o Sophonisba Anguisciola,[2][3] sarong Italyanong Renasimyentong pintor namundag sa Cremona sa pamilyang noble pero pobre. Siya nakaresibe nin toltol na edukasyon na kabali an mga arte, asin an pagpeyon niya sa mga pintor na lokal nagbukas para sa mga babae na maako maglaog bilang mga estudyante nin arte. Kan hubin pa siyang daraga, si Anguissola nagbyahe sa Roma kun saen siya pinabisto ki Michelangelo, na tolos man nahiling an saiyang talento, dangan siya nagpaMilan, na igdi saiyang pininta an Duke nin Alba. An Reynang Espanyol si Elizabeth nin Valois, sarong posikit na nag'aadal sa pagpinta asin kan 1559 si Anguissola inalok magpa-Madrid bilang tutor, na an ranggo lady-in-waiting. Ngapit siya nagin opisyal na pintor sa korte para ki Hadeng Felipe II, asin inarog an estilo niya sa mas pormal na pagpinta kan mga opisyal na retrato para sa korte Espanyol. Pakagadan kan Reyna, si Felipe II nagtabang sa saiyang kasal aristokratiko. Siya naghubo' sa Sicily, dangan sa Pisa dangan sa Genoa, kun saen pasige an praktis niya sa bilang nangengenot na pintor nin mga retrato.

Sofonisba Anguissola
Self-portrait at the Easel Painting a Devotional Panel by Sofonisba Anguissola.jpg
Sadiring kurit, 1556, Museo Lancut, Poland
Kamundaganc. 1532
Cremona, Duchy of Milan
Kagadanan16 Nobyembre 1625 (edad 93)
Palermo, Kahadean nin Sicily
NasyunalidadItalyano
EdukasyonBernardino Campi, Bernardino Gatti
Midbid bilangPagpinta nin portrait, pagkurit
PaghiroHuring Renaissance
Patron(s)Felipe II kan Espanya
An mga tugang ni Anguissola natampok sa pintura The Chess Game, 1555. National Museum in Poznań

An mga distinggido asin nakakaganyat na mga pintura niya iyo an mga retrato niya sa sadiri asin saiyang pamilya, na saiyang pininta bago siya nag'isog sa korte Espanyol. Partikularmente an paglaladawan niya sa mga aki preskong gayo asin talang tala. Sa korte kan Espanya pormal an saiyang mga pintura nag'aayog sa disiplina asin pormalidad kan mga pagpintura nin estado, asin ta siya saro asin pinakaenot na babae sa laog kan korte na nagpipinta. Ngapit siya nagpipinta man nin mga relihiyosong pintura alagad ini nagkawarara na.

Kan 1625, ssiya nagadan sa edad na 93 sa Palermo.

ToltolanLiwaton

  1. Phaidon Editors (2019). Great women artists. Phaidon Press. p. 35. ISBN 978-0714878775. 
  2. EB (1878).
  3. EB (1911).