Siopao

An siopao, na sa literal pagpapakahulogan "mainit na tinapay"), iyo an bersyon sa lutong Pinoy kan inaapod na chau siu bao sa lutong Kanton. Sa Intsik inapod ninda ining baozi asin ipinamidbid sa Pilipinas ni Man Mon Luk kan 1918, sarong imigranteng Intsik. Nagpoon siyang magpabakal nin baozi sa mga tinampo asin nagpanao nin mga panamit sa manharong-harong, saka nin libreng kakanon para sa mga biktima kan kalamidad. Pag-abot nin panahon nakakua siya nin sarong sadit na restawran na nagin popular na marhay asin nagin kabtang kan komunidad nin Pilipino huli sa kakanon na ini. An ngaran na baozi nasalidahan kan ngaran na siopao. Ini popular pa man giraray kapwa sa mga restawran na Intsik asin Pilipino asin parati kabtang nin lutong dim sum.

Siopao

Itaas: Tinapay nin siopao na igwang palaman na karne nin manok; Ibaba: Sarong paratinda sa tinampo sa Chiang Mai, Tailanda, na nagpapabakal nin manlailain na klase nin salapao
Alternatibong ngaran	Salapao (Tailanda), Manapua (Hawaii)
Klase	Baozi
Kurso	Mirindalan, Luto
Ginikanang lugar	Filipinas
Temperatura nin pagsirbe	Mainit
Enerhiya nin pagkakan (per na pagsirbi)	0.33 kcal (1 kJ)
Media: Siopao

Pagkaladawan

Ini popular na miridalan na ipinapabakal sa kadaklan nin mga panaderya asin paratinda, saka sa dakol na restawran asin kakanan na Intsik sa Filipinas. Igwa nin lain-lain na bersyon ini basado sa palaman: an pork asado o bola-bola (sarong kombinasyon nin karneng urig, manok, baka, pasayan o maalat na sugok). Igwa man nin iba pang paagi nin pagluto kaini.

An sarong daing kaagid na luto kaini iyo an siring sa Isla nin Siargao na iyo an paowaw, sarong pandolse na pano nin bukayo.

Urusipon na an siopao pinapalamanan nin karne kan ikos huli sa baratong presyo kan siopao asin sa takot na inaapod na Sinophobia.

Sa Kabikolan, bantog an tostadong siopao.