Singosari

Para sa kahadean sa Subangan na Haba, hilingon an Singhasari.

Para sa ibang gamit, Hilingon an Singosari (klaripikasyon).

An Singosari sarong distrito sa Rehensiyang Malang, Subangan na Haba, Indonesya. Sakop kaini an hiwas na 118.51 km² asin igwa ining populasyon na 165,357 susog sa 2010 Sensus asin 180,050 susog sa 2020 Sensus; an opisyal na tantya sa karahawan kan 2023, maabot sa 180,740. Nakamugtak ini dai malagpas sa 400 m sa itaas nin nibel nin dagat, asin sa totoo medyo malipot urog na poon Hunyo sagkod Agosto. Nag-iitok an temperatura sa palibot na 18–20 degrees Celsius pagbanggi.

Singosari
Distrito
An Bukid Arjuno na maninigong mata'nawan gikan sa Singosari.
Nasyon	Indonesia
Probinsya	Subangan na Haba
Syudad	Rehensiyang Malang
Pamamahala
• Camat	Agus Nuraji
Hiwas
• Kabuuhan	113.74 km2 (43.92 sq mi)
Populasyon (mid 2023 estimate)
• kabuuhan	180,740
Sona nin oras	UTC+7 (Oras sa Kasulnopan na Indonesya)
Websityo	singosari.malangkab.go.id

Kasaysayan

Gikan an pangaran na Singosari sa Singhasari, sarong bantog na kahadean na midyibal kan Habanes (1222–1292), kun sain mahihiling an palasyo dai karayuan sa modernong Singosari. Candi Singhasari (templo nin Singosari) - na ginamit bilan palasyo kan pagsamba sa panahon kan kahadean na ini - na mahihiling sa kalye Kertanegara, mga 3 km (1.9 mi) haling saudan nin Singosari.

Ekonomiya asin demograpiya

Predominante na inookupahan ini kan mga Javanese na igwang kadikit na numero nin Madures, Intsik, mga Arabo asin mga lain pang mga pugro. Nakamugtak an distrito nin Singosari sa panginot na haywey na nakatakod sa Surabaya, an kapitolyo kan probinsya nin Subangan na Haba, asin syudad nin Malang. An panginot na aktibidad iyo an sa saudan nin Singosari. An sarong sadit na aeropuerto, an Abdul Rachman Saleh, an itinugdok tanganing mapadali an paglalakbay sa ere sa tanga kan Malang asin Jakarta.

Mga nakakainteresadong lugar

Igwang mga pirang mga lugar na nakakainteresado sa Singosari arog kan Candi Singhasari, na napetsahan kadtong ika-13 siglo, an Sumberawan stupa asin an 3339 m na langkaw kan Bukid Arjuno. Saro ining katamtaman na 2 aldaw na pagsakat kabali an paglalakbay pabalik. Igwa man ining mga natural na burabod sa lugar.

Sa sulnopan gikan sa templong ini iyo an Ken Dedes swimming pool, pigtutubudan na ini an karigusan asin royal garden kan Singhasari. Sa paglaog sa pool complex na ini, igwa ining 2 dakulang estatwa na inaapod na Dwarapala sa lambang gilid kan laugan. An Dwarapala, sarong higanteng nagkiki'rat na may kapot na dakulang staff bilang sandata, na minasimbolo sa tanod kan mga banal na lugar sa kultura kan mga Habanon.