Singkamas
An singkamas (Ingles, jicama, Mexican turnip, Mexican yam bean; Pachyrhizus erosus) sarong tinanom na nagkakamang asin tubong tal nin Mehiko. An arapodan kaining singkamas dapit sa tinanom mismo, alagad, orog na sa duma kaini na nasirbeng pagkakan. Ini sarong species sa genus na Pachyrhizus sa pamilyang Fabaceae.[1]
An pangaran kaini na singkamas hale mansana sa Espanyol na jicama na sinubli' man sa katagang Nahuatl xīcamatl, ([ʃiːˈkamatɬ]). Ibang arapodan pa kaini sa Ingles: Mexican potato, ahipa, saa got, Chinese potato, asin sweet turnip. [2]
Botaniya baguhon
An pagkamang kan singkamas pwedeng mag'abot 4–5 m basta may pakamangan na toltol. An mga gamot kaini nalaba abot 2 metro na may timbang na 20 kg. An pinakamagabat na gamot kaini na natala' nagtitimbang 23 kg. Ini nadukayan sa Filipinas kan 2010. An singkamas sinasabing dapat harayo sa lipot nin 9 na bulan ngane marayrahay an gusi o kun ini sa komersyal an produksyon. Sa mga lugar na 5 bulan sana an mayong lipot, ini nahahamanan pa man laman alagad an tendensya saradit an natubong laman. Kaya an mga parapatubo kaini sa mga tropikal na lugar maski anong panahon sa taon pwede magtanom kaini. Sa mga subtropikal na lugar, mahalat ngona na mag'imbong an daga paglaog kan tigtaramboan pakaagi kan imbyerno.[3]
Pakinabang baguhon
An singkamas hababa sa calorie, dusok sa dietary fiber asin pano' nin tubig. Ini pano man sa anti-oxidant, mineral asin mga bitamina. Mayaman sa bitamina C, natabang na gayo ini sa pagbangga' sa mga gerrm, mga virus asin bacteria. An singkamas napakusog sa immune system kan hawak. Iba pang bitamina yaon sa dumang ini iyo an bitamina A, bitamina B-complex arog kan folates, rikboflavin pantothenic acid asin thiamin.[4]
An dumang ini natabang na gayo sa pagparikas sa pagka-umay kan dakul na helang huli sa halangkaw na nutrient kaini. Sa mga mineral asin nutrient yaon makukua igdi an calcium, phosphorous, folic acid, magnesium, niacin, Iron, potassium, asin sodium na kaipohan nanggad sa buhay-bagsik kan hawak.[5]
Toltolan baguhon
- ↑ [1]www.thefreedicgtionary.com. Kinua 2018-11-07
- ↑ [2]www.thefreedicgtionary.com. Kinua 2018-11-07
- ↑ [3]www.sxtuartexchange.org. Kinua 2018-11-07
- ↑ [4] Archived 2017-08-29 at the Wayback Machine.www.allaboutdiabetes.net. Kinua 2018-11-07
- ↑ [5] Archived 2017-08-29 at the Wayback Machine.www.allaboutdiabetes.net. Kinua 2018-11-07
