Simbahan Katoliko sa Malasya

An Simbahan Katoliko sa Malasya iyo an parte kan pankinàban na Simbahan Katoliko, sa irarom kan ispiritwal na liderato kan Papa sa Roma. An Apostolikong Nuncio sa Malasya sa ngunyan iyo si Arsobispo Wojciech Załuski, na in-appoint kaidtong Septyembre 22, 2020; an residenteng ambassador kan Malasya sa Holy See iyo si Westmoreland Anak Edward Palon.

An mga enot na pading Katolikong tumini'mak sa Malacca kaidtong 1511 bilang sarong militay chaplain sa mga Portuges. An mga misyonero iyo an mga Pransiskano asin Dominikanong prayle. An bàgong papel kan Malacca nagin stop-over para sa rinibong misyonero na nagpalakop kan pagtubod sa Habagatan asin Harayong Subangan na Asya. Sagkod sa ngunyan, igwa nin sadit na komunidad nin mga Kristiano an mahahanap sa mga lugar na ini huli sa pagdagsa kan mga misyonero.

Igwa nin espesyal na lugar an Malacca sa kasaysayan kan Simbahan sa rehiyon na iyan.