Si Nanay, Si Tatay

Si Nanay, Si Tatay

Si Nanay, si Tatay di ko babayaan,

Balakid na boot an sakuyang utang,

Si pagdara sako nin siyam na bulan,

Gatas na sinoso, di ko mabayadan.

Ay Nanay, ay Tatay, kon ako maghale,

Hihidawon nindo sa gabos na aki;

Maski makakua nin makakasangle,

Dai makaarog kan sakong ugale.

Ay Nanay, ay Tatay, kon ako maraot,

Pugotan nin payo, ibontog sa lawod,

Kon maheling nindo na nag'anodanod,

Ay Nanay, ay Tatay, sapoda man tolos.

Si Nanay, si Tatay daing pagkaherak,

Gustong agomon ko an sarong may kuyap.

Ay Nanay ay Tatay, kon kami mamogtak

Hilohon ko siya tanganing matigbak.

An ultimong parapo kan sa itaas na kanta makangalas ta kapinonan man nin saro pang kanta. Sa lawig nin panahon gayod minsan an paburu-balyong ngimot kan mga awit-banwaan, medyo dai na naroromdoman an pagkatarakod-takod kan mga kanta. Adali ini:

Si Nanay, si Tatay Daing Pagkaherak

Si nanay, si tatay daing pagkaherak

pinaagom ako babaeng may kuyap

tandaan mo tatay kun kami mamogtak

hihilohon ko siya tanganing matigbak

hapoton man ako kun ngata natigbak

nagkakan nin batag pigsakitan nin tulak.

Si nanay, si tatay pinirit ako

na ako pakasal sa dai ko gusto

ta atyan kaiyan kun makasal ako

pagsabisabihon an kapobrehan ko.

An kapobrehan ko di sukat masabi

ta kun nagsasapna minsan koron dai

maglakawlakaw man kadtong mga kalye

di makaka-onra makakadiskubre.