Shiva Samhita
An Shiva Samhita (IAST: śivasaṃhitā, siring man iyo an Siva Samhita, na an boot sabihon "Kompendyo ni Shiva") sarong tekstong Sanskrito sa yoga, na isinurat nin sarong dai midbid na autor. An teksto kinakaolay kan Hindu na asetiko Shiva sa saiyang konsorte na si Parvati. An teksto binibilog nin limang kapitulo, na igwa kan enot na kapitulong sarong tratado na nagsusumaryo sa mga Vedanta (Advaita Vedanta) pilosopiya na may mga impluwensiya hale sa eskwelahan sa Sri Vidya kan Habagatan na Indya.[1][2] An natatadang mga kapitulo mapadapit sa yoga, an kahalagahan nin sarong guru (paratukdo) sa sarong estudyante, manlaenlaen na asana, mudra asin siddhi (kapangyarihan) makakamtan sa paagi nin yoga asin tantra.[1]
An Shiva Samhita saro sa tolong mayor na natadang klasikal na tratado sa hatha yoga, an duwa pa iyo an Gheranda Samhita asin Hatha Yoga Pradipika. Pigkokonsiderar ini na pinakamanlaenlaen na tratado sa hatha yoga, saro na nagrerekomendar na an gabos na kagharong magpraktis asin makinabang sa yoga. Labing sarong dosenang baryante na manuskrito kan teksto an midbid, asin an sarong kritikal na edisyon kan teksto ipinublikar kaidtong 1999 kan Kaivalya Dham Yoga Research Institute.[3]
Toltolan baguhon
- ↑ 1.0 1.1 James Mallinson (2007). The Shiva Samhita: A Critical Edition. Yoga Vidya. pp. ix–x. ISBN 978-0-9716466-5-0.
- ↑ Ellen Goldberg (2002). The Lord Who Is Half Woman: Ardhanarisvara in Indian and Feminist Perspective. State University of New York Press. pp. 57–59. ISBN 978-0-7914-5326-1.
- ↑ James Mallinson (2007). The Shiva Samhita: A Critical Edition. Yoga Vidya. p. xi. ISBN 978-0-9716466-5-0.
