Sherpa

Sherpa
	Sarong pamilya na Sherpa
Kabilugan na populasyon
	520,000
Mga rehiyong igwang importanteng mga bilang
	Nepal, China (Tingri County), Bhutan, India (Sikkim, Nagaland, Mizoram, Manipur, Arunachal Pradesh, Assam, Darjeeling)
Mga tataramon
	Sherpa, Nepali
Pagtubod/Debusyon
	Predominanteng Buddhismo (93%) asin minoriya: Hinduismo, Bön, Kristiyanidad
Katakod na mga grupo-etniko
	Hyolmo, Jirel, iba pang mga Tibeto-Burmese na populasyon

An Sherpa saro sa Tibetanong grupong etniko tal na nagbabanwa sa pinaka bukid-bukidon na mga rona' kan Nepal, Tingri County sa Autonomong Rona nin Tibet nin Tsina asin kan Himalayas. An terminong sherpa o sherwa nagguno sa lenggwaheng Sherpang kataga' na ཤར shar ("subangan") asin པ pa ("banwa"), na nag'oonabi kan saindang geograpikong ginikanan sa subangan nin Tibet.

Mayoriya kan mga Sherpa nag'eerok sa bandang subangan na mga rona' kan Nepal asin Tingri County alagad, an iba nag'eestar sa parteng solnopan kan Rolwaling Valley asin sa rona' nin Helambu norte kan Kathmandu, Nepal. An mga Sherpa nagtugdas nin mga gompa kun saen sinda nagpapraktis kan mga tradisyon relihiyoso ninda. An Tengboche iyo an pinakaenot na monasteryo sa Solu-Khumbu. An mga Sherpa nag'eerok man sa Tingri County, Bhutan, asin sa mga Indyanong estado nin Sikkim saka sa amihanan na parte kan West Bengal, orog na sa distrito nin Darjeeling. An tataramon na Sherpa napipisan sa sangang habagatan kan Lenggwaheng Tibeto-Burmano, kasalak diyan an Eastern Tibet (Khamba) asin sentral Tibetanong mga diyalekto. Ini alagad suway man sa Lhasa Tibetano asin dai masabotan kan mga parataram sa Lhasa.^[2]^[3]

An bilang kan mga Sherpa naghuhubo' sa mga nasyon Solnopan nagdakul na gayo kan mga nakaaging taon, orog na sa Estados Unidos. Sa Siyudad nin Nweba York yaon an pinakadakulang komunidad nin mga Sherpa sa Estados Unidos, na pigtatantya an populasyon kaini naabot 16,000. An senso 2011 kan Nepal narekord an 112,946 Sherpa yaon sa laog kan teritoryo kaini. An ibang myembro sa komunidad nin Sherpa bantog sa abilidad ninda nin pagtukad-bukid asin iyo ngani an hanap-buhay ninda.

Kataytayan nin mga ladawan

Mga grupo etniko sa Nepal
Si Nepali Sherpang paratukad-bukid na si Tenzing Norgay, 1953

Toltolan

↑ POPULATION MONOGRAPH OF NEPAL VOLUME II (Social Demography). Government of Nepal, Central Bureau of Statistics. 2014. pp. 10–156. ISBN 978-9937-2-8972-6. Archived from the original on 2021-01-21. Retrieved 20 September 2019.
↑ "Journée d'étude : Déserts. Y a-t-il des corrélations entre l'écosystème et le changement linguistique ?". Lacito.vjf.cnrs.fr. Archived from the original on 18 March 2012. Retrieved 8 March 2012. Unknown parameter |url-status= ignored (help)
↑ Britannica.com.[1]Kinua 10.28-21.

Sarong tamboan an artikulong ini. Makakatabang ka sa Wikipedia sa pagpoon kaining pahina.

[1] POPULATION MONOGRAPH OF NEPAL VOLUME II (Social Demography). Government of Nepal, Central Bureau of Statistics. 2014. pp. 10–156. ISBN 978-9937-2-8972-6. Archived from the original on 2021-01-21. Retrieved 20 September 2019.

[2] "Journée d'étude : Déserts. Y a-t-il des corrélations entre l'écosystème et le changement linguistique ?". Lacito.vjf.cnrs.fr. Archived from the original on 18 March 2012. Retrieved 8 March 2012. Unknown parameter |url-status= ignored (help)

[3] Britannica.com.[1]Kinua 10.28-21.

[1]

[2]

[3]