Sergey Tsivilyov
Si Sergey Yevgenyevich Tsivilyov (Russian: Сергей Евгеньевич Цивилёв; namundag 21 Septyembre 1961), sarong Ukranyang-mundag na Ruso estadista, politiko, ekonomista, asin dating opisyal militar na sa presente nagseserbing Ika-3ng Gobernador nin Kemerovo Oblast poon pa kan 17 Septyembre 2018.[1] Siya myembro kan Buro nin Konseho Supremo nin United Russia na partido.[2]
| Sergey Tsivilyov Сергей Цивилёв | |
|---|---|
.jpg)
| |
| Tsivilyov kan 2023 | |
| Ika-3 Gobernador nin Kemerovo Oblast | |
| Inkumbent | |
| Pagtukaw sa pwesto 17 Septyembre 2018 | |
| Suminunod ki | Aman Tuleyev |
| Gobernador nin Kemerovo Oblast (akting) | |
| Termino 1 Abril 2018 – 17 Septyembre 2018 | |
| Katuwang na gobernador nin Kemerovo Oblast | |
| Termino 2 Marso 2018 – 1 Abril 2018 | |
| Personal na mga detalye | |
| Kamundagan | Sergey Yevgyevich Tsivilyov 21 Septyembre 1961 Mariupol, Ukrainian SSR, Unyon Sobyet |
| Nasyunalidad | Ruso |
| Partido politikal | United Russia |
Biograpiya
baguhonSi Sergey Tsivilyov namundag 21 Septyembre 1961 sa Zhdanov (ngonyan Mariupol), Ukrainian SSR, Unyon Sobyet. Pakamundag sana ni Sergei, an pamilya Tsivilyov nag'estar na sa siyudad nin Kotlas, Arkhangelsk Oblast sa Rusya asin 10 anyos pakalihis kan 1971, an pamilya naghubo sa siyudad nin Chuguyev, sa Kharkov Oblast. An ama niya, si Yevgeny Semyonovich, katuwang sa produksyon sa sarong pabrika nin mwebles. An ina niya, si Dina Vasiliyevna, nagtatrabaho komo namamahala sa sarong tindahan sa siyudad.[3]
Edukasyon
baguhonKan 1983, si Tsivilyov naggradwar sa Black Sea Higher Naval School na ipinangaran ki PS Nakhimov sa Sevastopol, espesyalista sa armamento nin bapor - sarong opisyal na may halangkaw na adal militar, sarong inhenyero elektrikal. Pakagradwar sa ChVVMU, siya nagserbi sa Northern Fleet.
Kan 1999, siya naggradwar sa St. Petersburg State University of Economics and Finance na may degri sa Finance and Credit, asin nagin kwalipikado bilang ekonomista.
Karera
baguhonHanggan 1994, si Tsivilyov nagserbi sa Hokbong Sobyet, asin sa Pwersa Armada asin Naval kan Ruso nin Northern Fleet, asin siya may ranggo militar na kapitan.
Poon 1995 abot 1996, siya an pamayo kan serbisyo seguridad sa sangang St. Petersburg kan Aeroflot Bank.
Poon 1997 sundo 2012, saiyang pinamayohan an law firm Nortek sa St. Petersburg.
Kan 2007, saiyang kapwa-minukna an kompanya Lenexpoinvest, na iyo kuta an matugdok kan bagong Lenexpo complex - kun saen, en partikular, an pinakaenot na St. Petersburg International Economic Forum taon-taon ginigibo. Sarong kapwa-kagmukna kan Lenexpoinvest iyo si Viktor Khmarin, kaklase ni Vladimir Putin, na nag'adal martial arts kasabay niya, asin siya agom kan pamangkin ni Putin. An mga kompanya ni Khmarin kan mga taon na idto iyo an darakulang gayo na pinakadakulang mga supplier nin ekipahe sa Gazprom. Saro pang kapwa-kagmukna kan Lenexpoinvest iyo an dating pamayo kan Leningrad City Executive Committee na si Vladimir Khodyrev.
Poon 2010, siya sige an imbertir sa sektor nin minahan.
Poon 2012 abot 2013, siya katuwang na chairmankan hunta direktiba nin LLC Kolmar.
Poon 2014, siya an CEO kan kompanyang Kolmar asin kagsadiri kan 70% kan shares kaini (an 30% pagsasadiri ni Gennady Timchenko paagi kan Volga Group).[4] An Kolmar LLC sarong complex nin mga palakaya sa pagmina nin coal, trading, organisasyon sa pag'operar kaini na ini gabos naporma kan enterong proseso nin pagmina, pag'proseso sa paglinig kan coal asin paghakot kan pinayaman nang coal na de kalidad. An coal pigmimina sa mga deposito sa rona' nin Neryungri kan Republika nin Sakha (Yakutia).
Kan 2 Marso 2018 si Tsivilyov iyo an Katuwang Gobernador kan Kemerovo Region for Industry, Transport and Consumer Market.[5]
Kan 25 Marso 2018, sarong kasulo nagboag sa Zimnyaya Vishnya shopping and entertainment center kan Kemerovo, kun saen 60 katawo nagkagaradan. Kan 27 Marso 2018, mga residente kan Kemerovo nagbiglang rally durante kan protesta, asin sinda naghuhurot na magbutas sa pwesto an Gobernador kan Kemerovo Oblast, na si Aman Tuleyev asin an administrasyon kan siyudad nin Kemerovo, silag na imbestigasyon asin pagpersegir kan mga responsable. Si Tuleyev dai nagpahiling sa rally, pero an katuwang gobernador na si Tsivilyev, na, arog ki Tuleyev, pig'akusar mga partisipante sa rally nin maraot na motibo.[6] In response, one of the rally participants, Igor Vostrikov, said that he “lost five people in the fire, three of them are children”.[7] Si Tsivilyov, na nagtaram huri sa nasabing rally, hinagad sa mga sadiring-tawo kan mga nagkagaradan nin kapatawaran, na nagluhod pa sa atubangan ninda.[8]
Gobernador nin Kemerovo Oblast
baguhonPakademitir ni Tuleyev kan 1 Abril 2018, si Tsivilyov pignombrahan ni Presidente Putin bilang interim na gobernador kan Oblast.[9][10]
Si Tsivilyov nagrehistro bilang kandidato para gobernador kan Kemerovo Oblast kan 16 Hulyo 2018.
Kan Septyembre 9, 2018, si Tsivilyov naelihir Gobernador nin Kemerovo Oblast sa terminong 5 taon. Siya nagsumpa' kan 17 Septyembre 2018.[11]
Kan 8 Desyembre 2018, susog sa desisyon kan mga delegado sa XVIII Congress kan partido politikal na "United Russia", siya napasali sa Konseho Supremo kan partido.[2]
Kan 29 Abril 2019, sa sarong tiripon, saiyang tinakot an mga nars kan Anzhero-Sudzhensk city hospital, na nagwelga asin nag-hunger strike kontra sa paghaklas kan medical staff. Siya nagdeklara na bawal an pagwelga sa serbisyo medikal, saiyang sinugo an pulis na disiplinahon an mga nagwewelga.[12][13]
Katapusan kan 2019, an collegium kan Kemerovo region administration pinaghira asin ginibo nang gobyerno kan Kemerovo Oblast.
Toltolan
baguhon- ↑ Выборы губернатора Кузбасса выиграл Сергей Цивилев
- ↑ 2.0 2.1 "Ротация в составе Высшего Совета "Единой России" составила 16%". er.ru. 2018-12-08. Retrieved 2018-12-10.
- ↑ "Сергей Цивилев: Родственники погибших мечтают восстановить свои семьи. И я сделаю все, что только могу, чтобы помочь им залечить раны" (in Russian). Новости Новокузнецка сегодня, новости дня, последние новости. Retrieved 2018-12-11.
- ↑ "Gunvor: Доля Тимченко в компании была продана 19 марта 2014 года. // top.rbc.ru". Archived from the original on 2015-06-19. Retrieved 2018-04-01. Unknown parameter
|url-status=ignored (help) - ↑ "Пресс-центр | Администрация Кемеровской области". Archived from the original on 2018-10-08. Retrieved 2023-04-23.
- ↑ "Что происходит в Кемерово. Главное на данный момент". РБК. Archived from the original on 2018-03-29. Retrieved 2018-03-27.
- ↑ "Тулеев попросил прощения лично у Путина за случившееся в Кемерово". Archived from the original on 2018-03-29.
- ↑ Алена Мартынова (2018-03-27). "Вице-губернатор Кемеровской области встал на колени перед родственниками погибших в "Зимней вишне"". Комсомольская правда. Archived from the original on 2018-03-27. https://web.archive.org/web/20180327171301/https://www.kp.ru/daily/26811/3846983/. Retrieved on 2018-03-27.
- ↑ "ВРИО губернатора Кемеровской области назначен Сергей Цивилёв". Archived from the original on 2020-08-15. Retrieved 2023-04-23.
- ↑ "Принята отставка Амана Тулеева". kremlin.ru. 2018-04-01. Retrieved 2018-04-01.
- ↑ Победивший на выборах губернатора Кузбасса Цивилев вступил в должность
- ↑ Цивилёв заявил о «недопустимости митингов и забастовок» и обвинил голодавших медсестер в «опорочивании» Кузбасса
- ↑ "Губернатор Кузбасса осудил медсестер, голодавших из-за массового сокращения". Archived from the original on 2019-04-30. Retrieved 2023-04-23.
