Seqenenre Tao
Si Seqenenre Tao (nasurat man Seqenera Djehuty-aa o Sekenenra Taa, inapod na 'an Maisog') namoon sa pinakahuring lokal na mga kahadean nin Theban, rona' nin Ehipto sa Ika-kagpitong dinastiya durante kan Ikaduwang Peryodo Intermedyo. Siya suboot an aki asin kasalida ni Senakhtenre Ahmose asin ni Reyna Tetisheri. An mga peryodo kan saiyang pamomoon dai syerto, alagad pwedeng siya nagsakat sa poder sa dekada paghihinapos kan 1560 BC o kan 1558 BC (basado sa posibleng pagtukaw kan saiyang aking si Ahmose I, an pinakaenot na pamayo nin Ika-kagwalong Dinastiya, hilnga kronolohiya ehipto).
Sa saiyang reyna, si Ahhotep I, Seqenenre Tao naggka'aki sa duwang paraon, si Kamose,an karibay niya na iyo an ultimong paraon nin Ika-kagpitong dinastiya, asin si Ahmose I na, pakakapot ngona kan saiyang ina ta aki pa siya, iyo an enot na paraon sa Ika-kagwalong dinastiya. Si Seqenenre Tao iyo an may kredito sa pagbungsod kan enot na mga hiro sa gera nin katalingkadsan kontra sa Hyksos na nakasakop sa Ehipto, na bunga kaini nagresulta na an saiyang kahadean makalungkas na sayod sa mga Hyksos durante kan pamomoon kan aki niyang si Ahmose I.
