Sa mahiwas na depinisyon, an sensor iyo sarong kagamitan, modyul, makina, o subsistema na an katuyohan iyo an makadetekta nin mga kasibotan o pagbabago sa kapalibotan kaini asin maipasa an impormasyon sa ibang mga elektroniko, harus sa sarong prosesor na kompyuter. An sensor iyo pirming ginagamit sa iba pang mga elektroniko.

Manlainlain na klase nin mga pangliwanag na sensor

An mga sensor iyo urualdaw na nagagamit sa mga bagay na arug sa mga pindutan sa elevator na sensitibo sa pagkapot (tactile sensor) asin mga lampara na nagdidiklom o mas nagliliwanag sa pagkapot. Sa pag-uswag kan mikromakinarya asin an mga pasil gamitong mga mikrokontroler na kagamitan, an mga kagamitan kan sensor iyo naghiwas hali sa mga tradisyonal na lado nin temperatura, presyon, o pagsukol nin bulos,[1] halimbawa sa mga MARG sensor.

An mga analogong sensor arug kan potensyometro asin resistor na sensitibo sa puwersa iyo mahiwas pa man na nagagamit. An mga aplikasyon iyo kaiba an pag-manupaktura asin makinaya, eroplano asin eroespasyo, awto, medisina, robotika, asin iba pang aspeto sa urualdaw na pagbuhay. Igwa nm mahiwas na rango nin iba pang mga sensor na minasukol sa kimikal asin pisikal na karakter kan mga materyal. An pirang halimbawa iyo kabali an optikal na sensor para sa pagsukol nin refractive index, bibrasyonal na sensor para sa pagsukol kan pluwidong biskosidad asin elektro-kimikal na sensor para sa pagmonitor kan pH nin mga pluwido.

Padagos na pagbasaLiwaton

ToltolanLiwaton

  1. Bennett, S. (1993). A History of Control Engineering 1930–1955. London: Peter Peregrinus Ltd. on behalf of the Institution of Electrical Engineers. ISBN 978-0-86341-280-6The source states "controls" rather than "sensors", so its applicability is assumed. Many units are derived from the basic measurements to which it refers, such as a liquid's level measured by a differential pressure sensor.