Second-generation gender bias

An Second-generation gender bias manugod sa mga gawi na sa inot huhunaon mong neutral asin non-sexist, na ini aplikable sa pangkagabsan, alagad ini minadiskriminar kontra sa mga babayi huli ta ipinapahiling kaini an mga kaugalian kan mga lalaki na nagkrear o nagpatalubo kan siring na sitwasyon, orog na sa trabaho.[1] Kontra sa first-generation gender bias, na hayag-hayagan, na minsan pa ngani igwa nin tuyong pag-aaldaw.[2]

An ehemplo kan second-generation gender bias iyo kapag an mga lideres pinag-aandaman na magin asertibo tangani na an mga babayi na pirmi na sanang mina-uyon dae mahihiling bilang mga lideres, alagad an mga babayi man na nanganganaan sa pagka-asertibo, pinag-hihiling bilang labi kaagresibo.[1] An arog kaining bias, o gender stereotyping minsan nagigibo pa na dae nag-aaram an tawo.[3]

First asin Second Generation Gender Bias baguhon

An First-generation gender bias sarong gawi kadto na pinagkokonsiderang legal. Huli sa mga lehislatibong pagbabago na nagsasabi na an gender discrimination ilegal sa trabaho, sa sports, sa kolehiyo, arog halimbawa, an second-generation gender bias igwa nin kahulugan na mga dae risang porma na dati na dai pinagmamangnong pagsurog na susog pa sa organisasyonal na mga gawi asin partriarkal na istruktura. Sinabi ngani kan Harvard Business School na propesor na si Robin Ely na pinag-eeksplikar an persistidong glass ceiling. O an pagpalyar tangani na mahaman an signipikanteng pagbabago sa gender parity sa boardrooms kan mga korporasyon, posiyon sa senior management, asin sa pangkagabsan na pwersa-trabaho.[4] Dawa pa ngani nakalihis na an kabangang siglo poon kan modernong sosyal na paghiro para sa deretsos kan mga babayi, kadakli sa mga public gender gaps eksistido pa nanggad. Kan 2015, naghuhuna na ngani na magkakaigwang importanteng mga lakdang pasiring sa corporate gender diversity. Alagad dae man ngani nagpuputik an mga numero, asin an mga ulang, hayag man o dai risa, yaon man giraray sa sadiring posisyon.[5]

Huli sa dae risa asin dae tuyong natura kan second-generation gender bias, an mga babayi pwede man na magnegar o dae magkaigwa nin kaaraman sa mga ulang sa parehong social rewards asin mga oportunidad na an mga lalaki nagkakaigwa nin mas halangkaw na oportunidad sa manehamento asin posisyon sa pagigin leader sa gabos na aspeto kan sosyal asin politikal na buhay pasiring sa edukasyon, sa negosyo asin politika sa sosyodad partriarkal.[6][7] Pigtutulod man kaini an mga tawo na dai na dae maging lehitimo an mga konstruktibong mga debate manugod sa gender disparities.[8] An signipikanteng kabayaran sa second-generation gender bias, iyo an mga second junior level na mga babayi maka-eksperyensa nin identity threat kun sinda suminakat na pasiring sa hagyan kan pag asenso asin atubangon an pagpakarhay liwat kan saindang pinagkakaptan na identidad sa positibo asin negatibong paagi.[9] An gabos na ini nagigin kawsa tangani na an paglaban para sa gender equality nagigin mas masakit sa aspetong sikolohikal na garo baga an mga kaunlangan na ini yaon man sana sa saindang mga isip.[10]

Diskriminasyon sa laog kan trabaho baguhon

An Second-generation gender bias sarong porma nin diskriminasyon sa mga babayi ta an saindang mga gawi nagigin panalmingan kan mga kaugalian na pinaghahaman kan mga lalaki sa siring na sitwasyon, na haros pirmi ngani ini, iyo an lugar kan trabaho. An gender bias an saro sa mga regular na nagluluwas na bias sa trabaho, kontra sa racist bias o personal na bias.[11] Diit sanang mga tawo sa trabaho sa trabaho na igwa nin gender diversity pinaghihiling ini bilang sarong problema, asin kadakli pa kan mga tawo, kairiba an mga single-gender na lugar kan trabaho, an dai nag-aaram na nangyayari an mga ini.[12] An ehemplo kan second-generation bias iyo na sa ibang lugar nin trabaho, an mga babayi dai pig-aako sa trabaho huli ta kadakli sa mga empleyado igdi mga lalaki.[13] Ipinapahiling sanang neutral asin daing pigsusurugan an mga ini, alagad dai man talaga.[12]

Toltolan baguhon

  1. 1.0 1.1 Sherrie Bourg Carter, "The Invisible Barrier: Second Generation Gender Discrimination", Psychology Today, 1 May 2011.
  2. Susan Ehrlich Martin, Nancy C. Jurik, Doing Justice, Doing Gender, SAGE Publications, 2006, p. 126.
  3. Rita Gardiner, Gender, Authenticity and Leadership, Palgrave Macmillan, 2015, p. 52.
  4. "Second-Generation Gender Bias" (in en). Korn Ferry. Archived from the original on 2019-12-31. https://web.archive.org/web/20191231182612/https://www.kornferry.com/institute/second-generation-gender-bias. Retrieved on 2020-03-01. 
  5. "Second-Generation Gender Bias" (in en). Korn Ferry. Archived from the original on 2019-12-31. https://web.archive.org/web/20191231182612/https://www.kornferry.com/institute/second-generation-gender-bias#sthash.4xpY3CmT.dpuf. Retrieved on 2020-03-01. 
  6. Mwaura, Gitura. "AU elections: Contemplating second-generation gender bias" (in en). The New Times Rwanda. http://www.newtimes.co.rw/section/article/2016-08-13/202564/. 
  7. Bass, Pamela (2016). "Second Generation Gender Bias in College Coaching: Can the Law Reach That Far?". Marquette Sports Law Review 26 (Volume 26 Issue 2 Symposium: The Changing Landscape of Collegiate Athletics): 671 ff. http://scholarship.law.marquette.edu/cgi/viewcontent.cgi?article=1686&context=sportslaw. 
  8. Karsten, Margaret Foegen (2016-03-28). Gender, Race, and Ethnicity in the Workplace: Emerging Issues and Enduring Challenges: Emerging Issues and Enduring Challenges (in English). ABC-CLIO. ISBN 9781440833700. 
  9. Storberg-Walker, Julia; Haber-Curran, Paige (2017-01-01). Theorizing Women & Leadership: New Insights & Contributions from Multiple Perspectives (in English). IAP. ISBN 9781681236841. 
  10. Kelan, Elisabeth K. (2009-09-01). "Gender fatigue: The ideological dilemma of gender neutrality and discrimination in organizations" (in en). Canadian Journal of Administrative Sciences 26 (3): 197–210. doi:10.1002/cjas.106. ISSN 1936-4490. 
  11. http://eds.b.ebscohost.com/eds/detail/detail?vid=1&sid=00f460a3-97ee-47ae-8627-253d286d02ee%2540sessionmgr110&hid=120&bdata=JnNpdGU9ZWRzLWxpdmUmc2NvcGU9c2l0ZQ%253d%253d#AN=103435512&db=bth
  12. 12.0 12.1 "Women Rising: The Unseen Barriers". September 2013. 
  13. "Educate Everyone About Second-Generation Gender Bias". Harvard Business Review. 2013-08-21. Retrieved 2015-11-05.