Saraswati
Si Saraswati (Sanskrito: सरस्वती, IAST: Sarasvatī) an diosang Hindu nin kaaraman, musika, arte, pagtaram, kadonongan, asin pakanood.
Saro siya sa Tridevi, kaiba an mga diosang si Lakshmi asin Parvati.[1]
An pinakaenot na aram na pagkasambit ki Saraswati bilang sarong diosa yaon sa Rigveda. Siya nagdanay na makahulogan bilang diosa poon sa panahon nin mga Vedic sagkod sa presenteng panahon nin mga tradisyon na Hindu.[2] Ipinapahiling na igwa siya nin apat na takyag, kapot an sarong libro, rosaryo, kaldero nin tubig, asin instrumento sa musika na inaapod na veena. An kada saro sa mga bagay na ini igwa nin simbolikong kahulogan sa Hinduismo.
An nagkapirang Hindu nagseselebrar kan kapiestahan ni Vasant Panchami (an ikalimang aldaw nin tagsibol, asin midbid man sa ngaran na Saraswati Puja asin Saraswati Jayanti sa dakol na rehiyon nin India) sa saiyang onra, asin tinandaan an aldaw paagi sa pagtabang sa saradit na aki na makanood kun paano isurat an mga letra kan alpabeto kan aldaw na idto. An diosa iginagalang man kan mga nagtutubod sa relihiyon na Jain sa solnopan asin sentral India, saka nin nagkapirang sektang Budhista.[3][4]
Toltolan
baguhon- ↑ Encyclopaedia of Hinduism. Sarup & Sons. 1999. p. 1214. ISBN 978-81-7625-064-1.
- ↑ Kinsley, David (1988). Hindu Goddesses: Vision of the divine feminine in the Hindu religious traditions
. University of California Press. ISBN 0-520-06339-2.
- ↑ Guide to the collection. Birmingham Museum of Art. Birmingham, Alabama: Birmingham Museum of Art. 2010. p. 55. ISBN 978-1-904832-77-5. Archived from the original on 14 May 1998.
- ↑ Donaldson, Thomas (2001). Iconography of the Buddhist Sculpture of Orissa. pp. 274–275. ISBN 978-8170174066.
