Sapiro

An sapiro (Ingles: sapphire) iyo an sarong mahalagang marhay na gapo, sarong klase nin mineral na corundum, na kompwesto nin aluminium oxide (α-Al2O3) na may girang mga elemento na arog baga kan bakal, titanium, chromium, vanadium, o magnesium. An ngaran na sapiro kinua sa Latin na "saphirus" asin sa Griegong "sapheiros," na parehong nangangahulogan na asul.

An 423-carat (85 g) asul na Logan Sapphire

Mga pangenot na nasyon na nagproprodusir nin sapiro

Ini tipikal na asul, alagad natural na "fancy" an mga sapiro man nangyayari sa giyaw, lila, orange, asin berdeng mga kolor; an "parti sapphire" nagpapahiling nin duwa o mas dakul na kolor. Nangyayari man an mga gapong pulang corundum, alagad inaapod na rubi imbes na sapiro. An Pink-coled corundum pwedeng klasipikado kun bakong bilang ruby o saphire depende sa lokal. Sa parate, an natural na mga sapiro pinapakintab nganing magin mahalagang gapo asin isinusulot bilang alahas. Pwede man sindang lalangon bilang sintetiko sa mga laboratoryo para sa mga industriyal o dekoratibong mga katuyohan sa darakulang crystal boules. Huli sa pambihirang katagasan nin mga sapphires- 9 sa Mohs scale (an ikatolong matagas na mineral, pakatapos kan dyamante sa 10 asin moissanite sa 9.5) - an mga sapiro ginagamit man sa nagkapirang bakong-ornamental na aplikasyon, arog baga kan infrared optical components, haralangkaw na durabilidad na bintana, wristwatch crystals and bearings, asin mahimpis na gayong mga elektronikong waferyo, na ginagamit na mga insulating substrate na may espesyal na katuyohan na solid-state electronics siring kan integrated circuit asin GaN-based blue LEDs. An sapiro iyo an gapong pangaki para sa Setyembre asin an mahalagang gapo kan ika - 45 anibersaryo. An sarong sapphire jubilee nangyayari pakalihis nin 65 na taon.