San Jose, Bombon

An San Jose saro sa barangay kan banwaan nin Bombon, probinsya kan Camarines Sur, Pilipinas. An postal code kaini iyo ang 4404. Susog sa sensus kan 2020, igwa ning 1,274 katawong nag-eerok digdi sa 289 kaharongan. An patron igdi inaapod na Senyor San Jose.

San Jose
Lokasyon
Rehiyon V Bombon , 4404
Impormasyon
Patron saint(s)	Senyor San Jose
Language	Bikol

Inaapod na Bomboueño an mga taga igdi.

Mga Purok o Zone

Nababanga an San Jose sa 1 Kalye sagkod 6 Purok.

• Kalye Api
• Zone 1
• Zone 2
• Zone 3
• Zone 4
• Zone 5
• Zone 6

Pangkabuhayan

Agrikultura

Saro sa pangkabuhayan igdi kan mga tawo an pagtatanom nin paroy, niyog, gulay, sagkod prutas.

Pag-ataman Hayop

Saro pa sa pangkabuhayan igdi iyo an pag ataman nin hayop arog kan orig, manok, asin kalapati.

Pangingisda

Ika duwa an pagdadakop sira sa may irigasyon na tigpapabakal ninda sagkod tigpapanira.

Empleyado

Mga edukado o pinag-adalan an mga tawo igdi. An iba nagta-trabaho sa opisina, eskwelahan, munisipyo, pagupitan, kakanan o tindahan.

Relihiyon

Kadaklan sa relihiyon kan mga tawo igdi iyo an Roman Catholic sagkod Iglesia ni Kristo.

Transportasyon

An mga ginagamit na sakayan igdi sa San Jose iyo an traysikel, motor, kotse, sagkod padyak, asin duminagdag naman ang inaapod na e-padyak.

Pasilidad nin Tubig

An pasilidad nin tubig igdi iyo an BRUWASA sagkod BUWADI. Igdi hali an mga malinig na iniinom ninda, ikinakarigos, ipinanglalaba, sagkod ipinanghuhugas.

Kinukuanan nin Kuryente

An kinukuanan kuryente igdi hali sa Casureco II. Dakula an tabang kan kuryente lalo na sa pag gamit nin mga de kuryenteng gamit.

Edukasyon

An Bombon Central School sarong eskwelahan nin elementarya igdi sa San Jose. Igwa igdi nin mga daycare center para sa mga saradit na aki.

Mga Ladawan

Our Lady of the Holy Rosary Parish. Naitugdok kan 1804, sarong Katolikong simbahan na mahihiling sa San Jose, Bombon, Camarines Sur.

Leaning Bell Tower ng Bombon. Bantog an San Jose, Bombon sa nakatigilid na kampanaryo. Ini an Bikol bersyon kan Leaning Tower sa Pisa, Italy.

Bombon Central School. An sarong eskwelahan nin elementarya sa San Jose, Bombon.

Mahihiling sa imahe ang magayon na parte kang eskwelahan kung sain nahahagop din igdi ang sikat na tagilid na kampanaryo kang Bombon.

Barangay Hall sagkod Covered Court. Igdi tig-gaganap an mga pabayli sagkod pakawat sa San Jose, Bombon.

Bombon People's Market. Ini an pamilihang bayan ng San Jose, Bombon. Igdi nagbabarakal an mga Bomboueño nin panira, pansahog, sangkap, gulay, prutas sagkod iba pang bakalon.

Bombon People's Center. Igdi tig-gaganap an mga pa liga, mga kawat, okasyon, aktibidades, sagkod piyesta. Mga parakawat nin basketball na taga San Jose an nasa ladawan.