Si Ahmed Salman Rushdie (Marati:अह्मेड् सल्मन् रश्डि),namundag sa Bombay, Hunyo 19, 1947) sarong Briton-Indyanong parasurat nin mga nobela asin mga saysay na sa mga saiyang tinokda' an Midnight's Children (Mga Aki nin Matanga'} asin an The Satanic Verses (Mga Bersong Sataniko) an pinakabisto. An estilo nin saiyang pagsurat klasipikadong bilang magical realism na may bodbod nin historikong fiction, asin an dominanteng tema sa mga sinusurat niya iyo an mga pagkasarabod, pagkaribaraw kan duwang kinaban nin Solnopan asin Subangan asin an mga migrasyon kan mga tawo sa duwang lugar na ini, na naresulta sa siriplingan kan duwang kultura.

Si Salman Rushdie

An ikaapat niyang nobela, an The Satanic Verses (1988) nag'ukag nin dakulang kontrobersya na nag'ani nin daing haros na protesta asin kaanggotan kan mga Moslem sa iba-ibang nasyon, kun saen mga patakot na gadanon si Rushdie pigboses mala ta mismo si Ayatollah Ruhollah Khomeini, an Supremong Lider kan Iran, nagpabantolin nin sarong fatwā kan Pebrero 14, 1989. Sinasabi kan mga Moslem na an libro piglalanghad nin daing siring si Muhammad asin an relihiyon na Islam.

Siya nanombrahan sarong Knight Bachelor ni Reynang Elizabetrh II kan Inglatierra huli "sa serbisyo sa literatura" kan Hunyo 2007. [1] Ginawadan man siya kan Pranses kan ranggong Commandeur [2] Siring man, natawan siya nin limang taon na periodo bilang Distinguished Writer in Residence sa Emory University kan taon 2007. [3] Kan Mayo 2008, siya napili na magtukaw bilang kaapil sa American Academy of Arts and Letters. Kan 2008 an magasin na The Time pinagranggong ika-trese si Rushdie sa lista kaining "The 50 greatest British writers since 1945".[4] An pinakahuri niyang nobela, iyo an Luka and the Fire of Life, nalagda' kan Nobyembre 2010. Kan 2010, saiyang pig'anunsyo na nagpoon na siyang magsurat kan saiyang memoirs.[5]


Mga napalagdang nobela baguhon


Mga panluwas na takod baguhon


Toltolan baguhon

  1. "The UK Honours System — Queen's birthday list 2007" (PDF). Ceremonial Secretariat, Cabinet Office. 2007. Archived from the original (PDF) on 27 June 2007. Retrieved 28 June 2007. 
  2. "The UK Honours System — Queen's birthday list 2007" (PDF). Ceremonial Secretariat, Cabinet Office. 2007. Archived from the original (PDF) on 27 June 2007. Retrieved 28 June 2007. 
  3. "Salman Rushdie to Teach and Place His Archive at Emory University". Emory University. Archived from the original on 8 August 2008. Retrieved 10 July 2007. 
  4. (5 January 2008). The 50 greatest British writers since 1945. The Times. Retrieved on 2010-02-01.
  5. Hoyle, Ben (17 July 2010). "Rushdie to write his lost chapter". http://www.theaustralian.com.au/news/world/rushdie-to-write-his-lost-chapter/story-e6frg6so-1225893232608.