Rufino José Cuervo
Si Rufino José Cuervo Urisarri (Bogotá, Colombia Sept. 19, 1844 - Hulyo 17, 1911 Paris, Pransya), sarong Colombianong parasurat, linggwista, leksikograpo, asin pilologo na maigot na gayong nag'oogid kan mga ginikanan kan mga tataramon na Espanyol.[1]
| Rufino Jose Cuervo | |
|---|---|
 | |
| Kamundagan | Rufino José Cuervo Urisarri Septyembre 19, 1844 Bogotá, Colombia |
| Kagadanan | Hulyo 17, 1911 (edad 66) París, France |
| Nasyunalidad | Colombian |
| Trabaho | pilologo, parasurat, lingwista |
Siya nag'adal Latin asin Griyego asin an dakula niyang ambag iyo an mahiwas niyang adal manongod sa pagkakairiba diyalektal kan tataramon na Espanyol sa Colombia. Saiyang sinurat dapit igdi an Apuntaciones críticas sobre lenguaje bogotano (Mga Notang mahalaga dapit sa Lenggwaheng Bogotano, 1867), na sagkod ngonyan importanteng toltolan sa pag'adal kan Espanyol Amerikanong lenggwahe.[2]
An pinakamahalagang obra niya iyo an Diccionario de construcción y régimen de la lengua castellana. An trabahong ini regular na pighihirahay kan mga iskolar sa Instituto Caro y Cuervo, sarong akademyang ipigngaran saiya asin an Colombianong linggwistang si Miguel Atonio Caro. Siya man pigrebisar asin pigpalagda liwat an Spanish American grammar ni Andres Bello. Ini tuyong para sa pag'usar kan mga Amerikano.[3]
Siya saro man sa mga nagmama'wot na magkasararo an Espanyol sa pagkakairiba kaini sa mga diyalekto. Takot siyang an tataramon na ini magkaparasa' siring kan nangyari sa Latin kan an huri iyo an tataramon kan Imperyong Roma na sa kahaloyan, nagkabaraak sa iba-ibang mga lenggwaheng Romansa na iyo na an Espanyol, Portuges, asin Italyano..[4]
Kan 1878 naako siya bilang representante kan Colombia sa Real Academia Española. Kan 1882 siya naghubo' sa Paris kun saen siya nag'erok sagkod na siya duman na binawean-buhay kan 1911.
Mga panluwas na takod
baguhon- http://www.universia.net.co/index2.php?option=com_content&do_pdf=1&id=5752[permanent dead link]
- Rufino José Cuervo – MSN Encarta Archived 2009-02-04 at the Wayback Machine.
