Ruben Ecleo, Sr.
Si Ruben Edera Ecleo, Sr. (Desyembre 9, 1934 - Desyembre 20, 1987) sarong Filipino na pulitiko, kagtogdas kan Philippine Benevolent Missionaries Association, Incorporated (PBMA, INC.) kan taon 1965. Siya an nagtukaw pinakahalawig bilang alkalde kan munisipyo nin Dinagat, Surigao del Norte, 24ng taon na gayo, poon 1963 abot 1987.[2]
Kasal ki Glenda Buray, sinda may walong aki: Ruben Junior, Glorigen, Grace, Benglen, Allan I, Allan II, Geraldine asin Gwendolyn.
Siya bilang lider kan grupong relihiyosong PBMA, Inc., tinubod kan mga kaapil na siya may kabatiran magbulong asin magpawara nin mga kahelangan. Sa dakulang pagtingag saiya inaapod siyang Divine Master asin tinutubod na gayo kan mga myembro na siya may kakayahan maglugar sa duwang lokasyon sa parehong momento, sarong ngangalsan inaapod sa Ingles, bilocation.
An saiyang grupong PBMA nagdakula hanggan may 3.5 milyon nang myembro kan 2002 alagad ini nag'ina gibo kan nasa'bit sa mga kaso [3][4], an matuang aki niya na nagsalo kan liderato sa grupo. An aki niyang si Junior binabaan nin mandamiento de aresto kan Sandiganbayan kan 2006 huli sa reklamong korupsyon kan ini iyo an Representante kan Dumagat Island. Kan taon 2012, an Regional Trial Court Branch 10 kan Cebu City nagbaba nin desisyon na guilty an saiyang aki sa kasong parricide paggadan sa saiyang agom na si Alona Bacolod.
Toltolan
baguhon- ↑ http://allaboutpbma.webs.com/thefounder.htm
- ↑ http://allaboutpbma.webs.com/thefounder.htm Archived 2013-07-24 at the Wayback Machine.. Kinua 19-07-13
- ↑ http://www.interaksyon.com/article/29371/dinagat-island-rep--ruben-ecleo-jr--guilty-of-parricide---court Archived 2013-07-11 at the Wayback Machine.. Kinua 21-07-13
- ↑ http://newsinfo.inquirer.net/tag/ruben-ecleo-jr.Kinua 21-07-13
