Rose Garcia (journalist)

Si Rosa Garcia dos Santos (namundag 8 Septyembre 1973) sarong peryodista sa Subangan na Timor. Siya an editor-in-chief kan Timor Post, saro sa mga mayor na peryodiko sa nasyon na iyan.

Karera

Si Garcia nagpoon magtrabaho bilang peryodista kan 1993 sa Suara Timor Timur (STT, ngonian Suara Timor Lorosae).

Siya man naging correspondent para sa Kyodo News, Reuters, asin BBC.

Kan estudyante siya, siya naging aktibista para sa independensya kan Subangan na Timor.

Kan independence referendum kan 1999, si Garcia nagtrabaho para sa organisasyong dae-panggobyerno na Contros Timor-Timur, na minukna kan 1998 ni Isabel da Costa Ferreira tangani na hanapon an Subangan na Timores na nawara durante kan pamamahala nin Indonesya. Si Garcia, na bados kan panahon na idto, tinakot sa telepono huli kan saiyang trabaho. Pakaluwas kan mga resulta, na kun sain an Subangan na Timor nagboto para sa independisya kaini, si Garcia nagdulag hali sa kadahasan nin maka-Indonesyang mga militia, pasiring Jakarta. Sarong aldaw pagkatapos ibalik kan International Force East Timor (INTERFET) an katuninungan asin ibinugtak sa irarom nin administrasyon kan United Nations, nagbalik si Garcia sa Subangan na Timor kaiba an mga kairiba niya haling Sweden.

Si Garcia saro sa sampulo may apat na nagtogdas kan Timor Post kan 1999-2000, asin saro sa may kagsadiri kan peryodiko. Durante kan 2006 na Krisis kan mga Subangan na Timores, an Timor Post napiritan na magpundo muna nin saindang operasyon, pagkatapos an duwang empleyado na kulogan. Si Garcia, na nangaki pa sana sa saiyang ikaduwang aki, nagtabaho muna sa ABC, sarong Australyonong Broadcasting na korporasyon.