Ronnie M. Cerico
Si Ronnie M. Cerico (namundag sa Maygnaway, San Andres, Catanduanes kan Hunyo 9, 1990) sarong paratukdo, pintor, asin parasurat nin mga Dagli, usipon, sanaysay, asin rawitdawit. Kasapi siya kan Bilog Writers’ Circle, sarong iribahan kan mga parasurat sa probinsya kang Catanduanes. Naging fellow siya kan 9th Saringsing Bikol Writer’s Workshop kan 2019 asin Palihang Rogelio Sica 14 kan 2021, sarong online creative workshop na inorganisar kan Departamento ng Filipino at Panitikan ng Pilipinas, KAL, UP Diliman na kun sain an mga partisipante ay hali sa mga manlainlain na parte kan kinaban.
Saro sa mga napublikar na isunurat niya ay an Ang mapuputing Hibla ng Abaka (Liwayway Magazine), Ang Bangkang Hindi Lumulutang (Liwayway Magazine), Mata (Katastropiya ng 7 Eyes Production, OPC), Paralawod at Iba Pang Dagli (Entrada 7 ng Sentro Para sa Malikhaing Pagsusulat – PUP), Pagitan (Agos Journal ng Sentro ng Wikang Filipino – UP Diliman), Ulam (Liwayway Magazine), at Kalinga (ANI 41, the Official Literary Journal of the Cultural Center of the Philippines).
Huli igde, nanggana siya asin nagkamit nin parangal bilang sarong Winning Writer (Category 1) Gawad Teodora Alonso 2023 5th National Competition on Storybook Writing (Division level).
Si Ronnie M. Cerico ay naggradwar nin Elementarya sa Maygnaway Elementary School kan 2002. Natapos niya man an saiyang Sekondarya sa Maygnaway National High School kan 2006. Asin sa taong 2010, nakua niya an saiyang pinakaenot na Bachelor Degree sa Catanduanes State Colleges sa kursong Bachelor of Elemetary Education.
An saiyang hilig sa pagsurat nakua niya sa aru-aldaw na pagsubaybay sa Facebook post kan mga Dagli hali sa sarong katuod na parasurat sa Catanduanes. Ang aru-aldaw na pagbasa kan nasambitan na mga posts an naging agi para mapukawan an saiyang interes sa pagsurat. Asin an mga palihan na saiyang binalihan dangan man na nagtaong kaaraman sa padagos na pagburaay kan saiyang talento sa pagsurat. Ngonyan, siya sarong paratukdo sa Tibang Elementary School sa San Andres, Catanduanes.
