Romeo Tabuena

Si Romeo Villalva Tabuena (Agosto 22, 1921 – Oktobre 15, 2015) sarong Filipinong pintor asin printmaker na namundag sa Iloilo City. Siya nag'adal arkitektura sa Mapúa Institute of Technology sa Manila asin painting sa University of the Philippines. Nag'adal man siya sa Art Students League of New York asin sa Académie de la Grande Chaumière in Paris.

Romeo Tabuena
Kamundagan	Romeo Villalva Tabuena (1921-08-22)Agosto 22, 1921 Iloilo City, Philippines
Kagadanan	Oktobre 15, 2015(2015-10-15) (edad 94) San Miguel de Allende, Guanajuato, Mexico
Trabaho	Pintor asin printmaker

Ladawan:'Carabao', watercolor on paper by Romeo V. Tabuena, c. 1950s, Honolulu Museum of Art.jpg

Carabao, Watercolor painting on paper by Romeo Villalva Tabuena, c. 1950s, Honolulu Museum of Art

Karera

Kan 1955, si Tabuena nag'estar na sa Mexico kun saen kasaro niya an agom niyang Norwego na si Nina. Alagad, siya retenido an saiyang pagkanamamanwaan na Filipino. Saiyang pininta an mural na Filipiniana sa Embahada kan Filipinas sa Washington, D.C.

Kan 1965, siya nagpartisipar sa Ika-walong São Paulo Art Biennial komo siya opisyal na Filipinong artista asin art commissioner haleng Filipinas. An Honolulu Museum of Art saray-saray an saiyang pininturang Carabao, na tipikal na representasyon kan saiyang mga pinta dapit sa mga hayop.

Mga Obra

Si Tabuena nalilista sa Who's Who in American Art, International Who's Who in Art, asin sa International Who's Who of Intellectuals. Siya mababasa man sa History of International Art-Italy, History of Contemporary Art-Italy, asin sa International Book of Honor, an Biographic Institute nin Amerika. Kabali man siya sa 5000 Personalities of the World, Cambridge, England. An mga mayor na obra niya kabarali an, kun masambit an magkapira: Art Expo sa New York City; Solong paeksibit sa Gallerie Bleue sa Manila, Filipinas, solong paeksibit sa Palace of Fine Arts sa Mexico City; partisipasyon sa VII Biennial São Paulo bilang siya an opisyal na Filipinong artista asin art commissioner haleng Filipinas, asin sa Galeria Tere Haas sa Mexico City; Institute of Fine Arts sa San Miguel de Allende, Mexico; asin sa 10-taon na Retrospective Show sa Philippine Art Gallery na may kalakip na publikasyon kan inapod na Illustrative Monograph sa pagtantya kan saiyang mga trabaho sa peryodong idto.

Mga Gawad asin pagmidbid

Kan Oktobre 1995, siya nata'wan onra paagi kan piggibong mayor na eksibit pig-amaan kan Instituto de Bellas Artes, Centro Cultural Ignacio nin huli sa saiyang 40 taon na pagbanwa duman sa Mexico asin kan saiyang maigot na pagsisibot sa pagpipintura sa tahaw kan kolonya nin mga artista sa Guanajuato. Saro pa man na kaagid na eksibit an piggibo para sa saiyang pag'onra an pigbunsod ka n NObyembre 1996 sa Mexico sa pakitabangan kan Embahada nin Filipinas.

Saro pa man na obra niya na pigpahaman kan gobyerno Filipino iyo an sarong mural titulado Filipiniana na sa ngonyan n akaeksibit sa Embahada Filipina sa Washington, D.C. Siya imbwelto man sa eksibit na El Nigromante of the Mexican Institute of Fine Arts sa pagselebrar kan 30 anyos niyang buhay artistiko sa Mehiko.

Siya kagresibi pa nin mga pirang pang gawad asin pagmidbid, arog kan Golden Centaur Award hale sa Accademia Italia, Master of Painting honoris cause hale sa International Seminar of Modern Art, Bannierre Europeanne des Artes, asin sa Medaglia al Merito kan International Parliament.

Toltolan

• Arguilla, Lyd., Tabuena, Manila, Philippine Art Gallery, 1960.
• Arguilla, Manuel Estabillo and Lyd Arguilla, Philippine Tales and Fables, Juan Tamad stories illus. by Romeo V. Tabuena, Manila, Capitol Pub. House, 1957.

[Kategorya:Mga 2015 na kagadanan]]