Roilo Golez
Si Roilo Solis (Enero 9, 1947 – Hunyo 11, 2018)[1] sarong Filipinong pulitiko. Siya nagserbing anom na termino sa Kongreso kan Filipinas sa ika-9, ika-10, ika-11, ika-13, ika-14 asin ika-15ng Kongreso kan Filipinas, na pigrepresentar niya an Ikaduwang Distrito kan Siyudad nin Parañaque. Sarong beteranong lehislador, anas dakulang mayoriya an nasikwit niyang boto sa eleksyon kan 1992, 1995, 1998, 2004, 2007, asin 2010.[1]
| Roilo S. Golez | |
|---|---|
| Myembro sa Philippine House of Representatives from Parañaque City's Second District | |
| Termino Hunyo 30, 2004 – Hunyo 30, 2013 | |
| Suminunod ki | Eduardo Zialcita |
| Sinundan ni | Gustavo S. Tambuting |
| Myembro kan Philippine House of Representatives from Parañaque City's Lone District | |
| Termino Hunyo 30, 1992 – Hunyo 30, 2001 | |
| Suminunod ki | Freddie Webb |
| Sinundan ni | Eduardo Zialcita |
| Personal na mga detalye | |
| Kamundagan | 9 Enero 1947 Looc, Romblon, Philippines |
| Kagadanan | 11 Hunyo 2018 (edad 71) Parañaque, Metro Manila, Filipinas |
| Partido politikal | Partido Liberal (2010-2018) Independiente (2005-2010) |
| Agom | Natalia Golez |
| Mga aki | Rico asin Guada |
Pagkatawo/Karera baguhon
Si Golez namundag Enero 9, 1947 sa banwaan nin Looc, Romblon sa Filipinas. An saiyang ama sarong kapitan sa Philippine Navy. Siya produkto kan eskwela publika. Hale sa sadit na banwaan, siya nag'asenso asin nagin lataw asin nangengenot sa mga paghingowa sa lantad nin akademiko, isports, gobyerno, negosyo, organisasyon sibiko asin pulitika.[2]
Nag'adal siya sa Philippine Military Academy asin US Naval Academy sa Annapolis, Maryland kun saen siya naggraduar bitbit an Bachelor of Science degree, major sa matematika asin operations analysis.[3]
Siya nagtukaw bilang kongresista nin 18 taon. An saiyang rekord bilang Diputado sa Kongreso napapalaen na gayo. Siya nagresibi pirmi nin onra bilang One of the Most Outstanding Congressman of the Philippines ta 100% nanggad an saiyang pag'atendir sa mga kasibotan asin tiripon sa Kongreso, mayong palta poon kan siya nagin kongresista kan taon 1992. Komo pirmi siyang gana sa eleksyon sa anom na termino niya, siya nabansagan na "Landslide King of Parañaque.". Nagsirbe siyang Pamayo kan Committee on Public Order and Security, Pamayo kan Committee on National Defense asin bilang Deputy Minority Leader. Siya daa igwang masilyab na rekord bilang iyo an may pinakadakul na napagibong tinampo asin pinakadakul na napatogdok na mga edipisyo nin eskwelahan sa bilog na historya kan Syudad nin Parañaque.[4]
Nagsirbe man siyang National Security Adviser sa gabinite kan administrasyon Arroyo na responsable sa programa sa seguridad nasyonal asin sa kontra-terorismo.
Kagadanan baguhon
Si Golez nagadan kan Hunyo 11, 2018 huli sa atake sa puso. Siya may edad nang 71 kan binawian-buhay. [5]
