Robert Ripley
Si Robert LeRoy Ripley (Desyembre 25, 1890 – Mayo 27, 1949) sarong Amerikanong kartonista, negosyante asin nobatong antropologo na iyo an nagmukna kan bantogan na maray na pasale, an Ripley's Believe It or Not!, na pinapaluwas sa seryeng publikasyon sa mga peryodiko, sa radyo asin telebisyon asin ini nagtatampok kan mga haros dai makatubod, pambihira asin naiibang mga pangyayari, mga bagay asin insidente na nadudukayan sa manlaenlaen na parte kan kinaban.
Mga bagay na sinasakop sa atensyon kan pasaleng ini iyo an mga mahusay asin napapalaen na rekord sa isports, mga bagay na makakangalas pero dai aram kan dakul na tawo, o hale sa mga lugar na haros dai pa naabot kan tawo. Si Ripley inaako man na ipublikar an mga ambag hale sa mga parabasa na napadara man mga retrato sa pagsuporta sa mga iniistorya ninda, arog halimbawa kan naiibang porma nin kalabasa, may apat na bitis na manok, mga kambal na namundag sala an pagkatakod, o mga payong pinakupos asin pinasadit. Ini gabos ikinakaag niya sa publikasyon na may mga drawing pa, ngane pagngalasan asin magdulot nin dakulang pagkabigla sa mga paradalan.
Mga panluwas na takod baguhon
- Robert Leroy Ripley's grave
- Ripley biography Archived 2009-04-13 at the Wayback Machine.
- www.ripleys.com/
- www.ripleyslondon.com/
- Ripley Entertainment
