Rio de la Cruz

Si Rio de la Cruz sarong bantog na Bikolanong entreprenur asin paradalagan gikan sa Bato, Camarines Sur. Minuknâ niya an kompanyang Runrio kan 2007 na ngunyan igwa nin abot sa 35 empleado. Ini an nagpapadalagan kan haros 80% kan mga padalagan sa Metro Manila. Siya man an tagapadalagan kan Run for the Pasig River.

Agi-agi kan buhay

An agi-agi kan saiyang buhay sarog klasikong istorya na hale sa pag-tios asin naging ma-trayumpo sa saiyang napiling propesyon. Saro siya sa mga ini-dolo asin tinitingala pag-abot sa PAG-DALAGAN.Ina-apod siyang "MAESTRO" kan mga aktibidades manungod sa padalagan.

Nguhod siya sa katorseng magturugang, an pito sa parehas na ina. Siyam na bulan pa lang siya kan ipinangaki, kan binayaan sinda kan ina ninda sa pangataman kan saindang ama. An pamilya ni Rio nagbaralyong mag-istar sa manila kaiba an saindang ama kan tolong taon pa lang siya. Nagpabarobalyo sindang istaran hale sa Taguig, Parañaque, sagkod Marikina.

Bilang estudyante, tinios nya an aro-aldaw na paglakaw nin dua hanggang tolong kilometros pasiring sa ini-eskwelahan nya asin may kantidad na pisong balon sana.

Kan dose años na si Rio, nagpaheling na siya nin kabatiran sa pagdalagan. Nadaog nya si mga ka-kontraryo nya sa eskwelahan ninda na nagbarali sa pa-"try-out". Nagdalagan lang siyang naka-bitis. Sa pina-heling niyang tibay sa pag-dalagan, Pig-bali siya kan "coach" ninda sa " 50-100m. sprint", "long jump" sagkod "high jump". Nakua ni Rio an primerong pwesto sa gabos na kategorya. Saro sa mga kagtaraid nindang harong an naherak saiya asin tinawan siyang "Mighty Kid" na sapatos. Alagad halipot ito saiya, kaya tinabas nya an enotan na parte, si sa may muro para lang nanggad magka-igo ito saiya. Gikan sa mga ginanahan nyang kwarta, nakabakal man giraray siya kan pinaka-enot na pades nyang pandalagan na sapatos. "Chuck Taylors" daa an brand, sa kantidad sanang P900.00. Ito an pinili nya ta ma-hibog an swelas, para haloy daang ma-inas ,para ki Rio.

Pagka-agi nin pirang taon, saro na si Rio de la Cruz ngonyan na hinahangaan asin ini-idolo sa larangan nin pagdalagan. Nag-puon lang siyang magdalagan sa edad na dies anyos, ngonyan may sadiri na siyang negosyo. Saro siya sa mga para-endorsar kan NIKe. Kun dati nagdadalagan siyang naka-bitis sana, ngonyan may sang-gatos na pades na siyang sapatos, an kinseng pades dae pa lamang nagagamit. An sukol palan kan bitis nya, 10.5 man lang sana.

Sinabi kadto ni Rio sa sadiri nya na kaipuhan mag-hiro para maka-hawas sa pag-tios.

Kinikunsiderar man giraray ni Rio na dakulang utang na boot an pag-ataman saiya ni Enrg.Juan Ramos, saro man na paradalagan. Kan nasa segundo año pa lang siya sa hayskul, pig-ataman na siya kaining engineer na ini, na ngonyan, iyo an binibisto nyang ama-amaan. Hanggang ngonyan, kaiba mnya pa man giraray an ama-amaan nya asin sabi ni Ro, dae nya ini babayaan. Ta kun bako ki Engr. Juan Ramos, mayo siya sa kinamumugtakan nya ngonyan.

Mga panluwas na takod

• Rio dela Cruz sa Runrio.com