Rin Tohsaka

Si Rin Tohsaka (Japanese: 遠坂 凛, Hepburn: Tōsaka Rin) sarong piksyonal na karakter na pinabisto kan 2004 sa nobelang biswal na Fate/stay night kan Type-Moon. Si Rin sarong estudyante sa haiskul na nagin master mage o salamangkero ni Archer, sarong guerrerong espiritu. Iriba sindang nakikikabtang sa guerra nin iba pang mga salamangkero asin mga guerrero sa inaapod na Holy Grail War. Sa gabos na ruta kan nobelang biswal, saiyang nabisto asin nakaalyado an baguhang salamangkero na si Shirou Emiya, sainda kaidto iyo an minaporma nin romantikong relasyon sa ikaduwang ruta kan nobela na Unlimited Blade Works, na kun saen si Rin an mayor na heroe. Sa luwas kan nobelang biswal, si Rin nagluwas na sa imprentado asin animated na adaptasyon. Yaon man siya sa prequel na Fate/Zero, serye nin mga light novels na sinurat ni Gen Urobuchi, asin nagkapirang video game na nakabase sa serye kan Fate/stay night.

Sa Hapon, si Rin tinawan boses ni Kana Ueda. Sa Ingles, si Rin tinawan boses ni Mela Lee sa haros lambang sarong inkarnasyon kan serye, apuwera sa Fate/kaleid liner Prisma Illya, kun sain sinanglean si Lee ni Carli Mosier huli ta an serye nakalisensya na sa Sentai Filmworks. An kritikal na reaksion sa karakter ni Rin nagin positibo pankagabsan, na an nagkapirang parasurat nakanompong saiya bilang saro sa pinakamarahay na mga personahe sa animated na adaptasyon kan nobelang biswal. An saiyang relasyon ki Shirou nakakua man nin pag-omaw asin nagluwas sa dakol na popular na poll gikan sa serye asin anime sa pangkagabsan.

Karakter asin paglalang

Si Rin binibisto na sarong modelong estudyante asin idolo sa eskwelahan ni Shirou. Haros dai siya nakikipag-olay sa ibang estudyante sa saiyang eskwelahan asin nagpapaheling nin pagmawot na bayaan siya solo, arog kan ipinahiling niya paagi sa tendensia niyang magtambay sa atop kan eskuwelahan, harayo sa iba pang mga estudyante. Siya man sarong sekretong salamangkero asin Master sa Ika-5 Holy Grail War. Sa kapinunan kan anime, inapod niya si Archer bilang saiyang servant pero sa orihinal niyang gustong maapod si Saber. Si Rin an kasalihid kan magecraft kan saiyang pamilya, na pinabutsan kan ama niya, si Tokiomi Tohsaka, tanganing inuton an sorcery kaysa sa sadiri niyang interes. Kan siya hoben pa, si Rin nasuway sa tugang niyang babae na si Sakura, na itinao sa pamilyang Matou para ampunon. Pakagadan kan saiyang ama sa Ika-4 na Holy Grail War, si Rin padagos na nagsikap na maperpekto an saiyang sorcery paagi nin giya hale sa saiyang tagagiya, si Kirei Kotomine. Pakalihis nin nagkapirang taon, naheling ninda ni Sakura an sarong hoben na si Shirou Emiya na nagpoporbar na tumagbang sa halangkaw na bara para sa sarong fitness test, asin nasunuan niya an bangkag na pagmamaigot kaini. An saiyang karakter nagmamaigot na hangaan kan mga kaedad niya tanganing malikayan an pagtao nin atensyon sa pribado niyang buhay, dawa ngani sia kuripot, garo tomboy, asin sarong perpeksyonista. Siya mapagrisa, mapamaagi asin may pagkauring pagkumpitensya.