Rick Hansen

Si Richard Marvin "Rick" Hansen CC OBC (ipinangaki kan Agosto 26, 1957), sarong Canadian track and field na atleta (Paralympic Games), aktibista, asin pilantropo para sa mga tawong igwa nin kakundian. Naaksidente sya huli sa pagkakabunggo saiya nin sarong pick-up truck kan sya kinse anyos. Huli kaini nagsapo sya nin injury sa saiyang spinal cord asin nagin paraplegic. Nagin bantog si Hansen huli sa saiyang Man in the Motion World Tour. Naipamidbid man sya sa Canada's Sports Hall of Fame kan taon 2006. Saro man sya sa mga final torchbearers kan 1988 Winter Olympics. Nagkaigwa man sya nin pagkakataon na makataram sa 2010 Winter Paralympics.

Rick Hansen

Kinaamayi kan buhay

Pinangaki sya sa Port Alberni, British Columbia, asin nagdakula man sa Williams Lake, British Columbia. Bilang sarong hoben pang atleta, nanggana sya nin all-star awards sa limang isports. Nabaldado sya sa edad na 15 huli sa pagkakabundol saiya kan sarong truck kan sadiri nya man sanang katuod. Biglang nagliko an truck asin nagpasiring sa poon nin kahoy. Haros madatugan sya kan truck kaya nagsapo sya nin spinal cord injury. Piggibuhan nya nin paagi na mapakarhay utro an saiyang sadiri, nagtapos nin sekondarya, dangani nagin primerong estudyante na igwa nin pisikal na kakundian alagad nagibong makagradwar sa kursong physical education sa University of British Columbia. Nanggana si Hansen nin mga national championships sa wheelchair volleycal asin wheelchair basketball teams. Nagi man syang world class champion wheelchair marathoner asin Paralympic na atleta. Naglaban man sya sa wheelchair racing kan 1980 asin 1984 Summer Paralympics, ginana an tulong bulawan, duwang silver, asin sarong bronseng medalya. Nanggana si Hansen nin 19 na mga internasyunal wheelchair marathons., kaayon igdi an tulong world championships. Nagtukdo sya nin high school basketball asin volleybal. Haranihon man na marhay an boot ni Rick sa saiyang pamilya, orog na sa saiyang ama asin lolohun, asin pirmi man sindang nagbabaranwit.

Man in Motion World Tour

Kan taon 1980, an saiyang kapwa British Columbian asin Canadian na atleta na si Terry Fox, na nawaran man nin sarong tabay huli sa bone cance, nag-ayon man sa Marathon of Hope, kun sain kaipuhan na dalaganon an Canada, maagi sa Newfoundland dangan sa Vancouver Island. Ini tangani na mag-agyat nin interes sa pag-aadal sa cancer research. Nagibo nya ini pasiring sa St. John's, Newfoundland pasiring sa Thunderbay, Ontario, bago an saiyang cancer pwersahon syang pumundo, sa kabangaan kan saiyang pagdalagan. Huli sa motibasyon sa pagkakaigwa nin kusog boot gikan ki Terry, nagdesisyon si Hansen na gibuhon an parehong byahe ngani na patunayan an potensyal kan mga tawong igwa nin kakundian asin magtao nin inspirasyon sa bilog na kinaban. Alagad an saiyang pigplano orog na mas ambisyoso, muya nyang liboton an bilog na kinaban gamit an saiyang wheelchair.