Richard Kissling

Si Richard Kissling (Abril 15, 1848 - Hulyo 19, 1919) sarong Swesong eskultor asin medalista.

Si Richard Kissling

Biograpiya

Namundag sa Wolfwil, Switzerland, si Kissling nagin peyon nin 13 taon sa sarong paraplaster bago nagpaRoma kun saen siya nag'adal sa paggigiya kan si eskultor na si Ferdinand Schlöth. Sa 1883 Eksibit Nasyonal sa Zurich, si Kissling may ipinahiling na rebulto-retrato ni Alfred Escher na sarong politikong Sweso. Bunga kaini, saiya itinao an komisyon para sa paggibo kan estatuwa ni Escher na ginibo niya sa bronse asin granate; ini ngonynas nakatindog sa atubangan kan Arko sa Zürich Hauptbahnhof.

Si Kissling nagin saro sa masibot asin parating nauulay na Swesong eskultor para sa mga monumento asin memorial, dawa ngani an saiyang istilong klasiko napapaso na sa mga huring aldaw kan saiyang karera.

An ibang mga obra niya iyo an mga minasunod:

• Alfred Escher.jpg|thumbnail|200px|Alfred Escher Memorial, Zürich
• An Monumentong Tell sa Altdorf, resulta kan pakontes kan 1892, iyo an saro sa marayrahay na trabaho ni Kissling. Ini nainaguraran kan Agosto 28, 1895.
• Jünglingsfigur, Villa Tobler sa Zürich,
• estatuwa ni Joachim Vadian kan St. Gallen, 1904,
• Monumento Rizal sa Rizal Park, Manila, 1912. Saroing monumento nasyonal sa lugar kun saen si Rizal natumba pagbadila kan mga Espanyol.

Mga piling obra

• 
  Alfred Escher Memorial, Zürich
• 
  Rizal Monument, Manila
• 
  William Tell Monument, Altdorf
• 
  Jünglingsfigur, Villa Tobler in Zürich
• 
  Zürich 1893 Cantonal Shooting Festival Silver Medal, obverse. It shows the design of Kissling's William Tell Monument in Altdorf.
• 
  Kissling's Zürich 1893 Cantonal Shooting Festival Silver Medal, reverse

Mga panluwas na takod

Igwang relatibong medya para sa Richard Kissling duman sa Wikimedia Commons