Richard Ermisch
Si Georg Friedrich Richard Ermisch (17 Hunyo 1885, Halle an der Saale, Saxony-Anhalt – 7 Desyembre 1960, Berlin) sarong arkitektong Aleman, pintor, asin graphic designer. Poon 1903 abot 1906, siya nag'adal sa 'Königliche Preußische Baugewerkschule' sa Erfurt. Sa dikit na panahon, siya nagtrabaho ki Karl Doflein sa Berlin, asin poon 1907 abot 1922 sa opisina sa munisipyo dapit sa konstruksyon kan Charlottenburg, na sarong independienteng syudad hanggan 1920. Dangan kaidto siya naempleo sa opisina sa konstruksyon sa Berlin sagkod sa pagretiro niya kan 1950. Sa pag'oltan kaini, siya nagin Baurat (building control office surveyor) kan 1921, Oberbaurat kan 1929, dangan Magistratsbaurat asin pinalmente Stadtbaudirektor, pamayo kan opisina sa Berlin dapit sa konstruksyon.[1]
An saiyang mga maonambitan na mga edipisyo iyo idtong mayor na edipisyo na an tangkaan nag'atubang sa prenterang natad kan 1936 asin an Strandbad Wannsee, katuwang si arkitekto Martin Wagner, kan 1929–1930, kun saen nagdesenyo siya nin taytay na harababang mga edipisyo na garo nabutwa sa mga buru-buklod na baybay. Iba pang mga edipisyo kairiba an mga proyekto nin pagharongon sa Spandau asin an Tiergarten na munisipyo kan 1935–1936. Pakagera, siya kaiba si Karl Bonatz pigpresentar an plano sa rekonstruksyon kan Berlin.[2]
Galeriya
baguhon-
Proyekto pagharongon, Zeppelinstraße, Spandau, 1926/27 -
Siedlung Birkenwäldchen, residensyang lugar sa Berlin-Wilhelmstadt, 1926/28 -
Strandbad Wannsee, 1929/30 -
Munisipyo kan Tiergarten, 1935/36 -
Messe Berlin: Mayor na edipisyo na may tangkaan na bidang, 1935/37
