Si Margaret Rhea Seddon (namundag Nobyembre 8, 1947) sarong Amerikanong siruhano asin retiradong astronauta nin NASA. Kan mapili siya bilang kaparte kan enot na grupong mga astronauta na kairiba an mga babae kan 1978, siya naglupad sa tolong Space Shuttle flight: bilang mission specialist sa STS-51-D asin STS-40, asin dangan komo payload commander sa STS-58, na siya nakaamot nin sobra sa 722 oras sa espasyo.

Margaret Rhea Seddon
Kamundagan (1947-11-08) Nobyembre 8, 1947 (edad 76)
Murfreesboro, Tennessee, U.S.
KamugtakanRetirado
TrabahoSiruhano
Mga gawadNASA Space Flight Medal (1985, 1991, 1993), NASA Exceptional Service Medal (1988, 1992), NASA Outstanding Leadership Medal (1994)
Space career
NASA Astronauta
Time in space
30 aldaw 02 oras 21 minuto
Selection1978 NASA Group
MissionsSTS-51-D, STS-40, STS-58
Mission insignia

Gradwado sa University of California, Berkeley, asin sa University of Tennessee College of Medicine, si Seddon nakamit an degree sa pagkadoktor sa medisina (MD) kan 1973. Siya nagpraktis kan saiyang intership sa Baptist Memorial Hospital-Memphis, tolong taon na residency sa mga hospital nin University of Tennessee diyan sa Memphis, kun saen siya sana an babae sa General Surgery Residency Program. Kan bago siya, durante asin pakatapos kan karera niya sa programa sa astronauta, siya aktibo sa mga emergency department sa Tennessee, Mississippi asin Texas.

Napili komo kandidato sa pagkaastronauta kan NASA kan Enero 1978, si Seddon nangagin astronauta kan Agosto 1979. Durante kan STS-51-D na misyon kan Abril 1985, ginamit niya an saiyang husay sa surgery sa pag'operar nin lagadi sa tulang, sa paggibo nin mga panghirahay na kasangkapan para sa U. S. Navy Syncom IV-3 na satelyete. An STS-40 Spacelab Life Sciences (SLS-1) na misyon kan Hunyo 1991 sarong dedikadong misyon sa espasyo sa pag'adal kan buhay sa espasyo, na durante kaini an grupo nag'eksperimento kun pano an mga tawo, mga hayop asin mga selya nahiro sa kamugtakan nin microgravity asin an pag'adaptar sa grabidad nin kinaban pagbalik. Iba pang darang gamit iyo an pag'ekspiremento na pigdesenyo sa pagimbestigar sa materials science, plant biology asin cosmic radiation, asin mga testing kan kasangkapan magagamit sa Space Station Freedom Health Maintenance Facility. Para sa STS-58 Spacelab Life Sciences-2 (SLS-2) na misyon, si Seddon iyo an Payload Commander. Durante kan 14 aldaw na paglayog kan Oktobre asin Nobyembre 1993 an crew naggigibo nin mga ekspiremento medikal sa neurovestibular, cardiovascular, cardiopulmonary, metabolic, asin musculoskeletal pag'aadal sa sadiri nindang hawak, sa mga 48 kino, na bagay nagpahiwas an kanoodan kan tawo dapit sa pisolohiya kan tawo asin hayop magkasi sa kinaban asin sa paglayog sa espasyo. Pandugang pa, an crew naggibo nin 10 test sa engineering nakasakay sa Columbia asin siyam na ekspiremento sa inapod na Extended Duration Orbiter Medical Project.[1]

Toltolan baguhon